Amanda Filipacchi (10 d'ochobre de 1967París) ye una escritora norteamericana célebre poles sos noveles d'humor, orixinalidá y enguedeyos sociales. La so ficción foi tornada a 13 llingues y tien algamao renome n'Estaos Xuníos y nel restu del mundu.

Amanda Filipacchi
Vida
Nacimientu París[1]10 d'ochobre de 1967 (56 años)
Nacionalidá Bandera de Francia Francia
Bandera de Estaos Xuníos d'América Estaos Xuníos
Estudios
Estudios Universidá de Columbia
Universidad de Hamilton (es) Traducir
Columbia University School of the Arts (en) Traducir
Llingües falaes inglés[2]
Oficiu novelista, escritoraactivista polos derechos de les muyeres
IMDb nm2046458
amandafilipacchi.com
Cambiar los datos en Wikidata

Filipacchi naz en París, Francia. Fixo estudios en Francia y Estaos Xuníos. Dende los 17 años vive en Nueva York. Concedieren-y el diploma de MFA Master of Fine Arts en ficción y novela narrativa pola Universidá de Columbia.

Filipacchi entamó a escribir a la edá de 13 años. Fixo estudios en Hamilton College au se graduara con un BA (Bachelor of Arts) en narrativa de ficción.

En 1990, entrara nel programa MFA (Master of Fine Arts) na so estaya de novela de ficción de la Universidá de Columbia, en Nueva York. Acabante entrar, entamara la so novela Nude Men que foi tamién la so tesis pal programa MFA. Nuna de les clases, estudiara baxo Alice Quinn, una editora de narrativa y poesía trabayando daquella pa la revista The New Yorker. Ablucada cola novela de Filipacchi, Quinn entrugara-y si tenía axente lliterariu y recomendo-y a l'axente Melanie Jackson. Nel añu 1992, de la que Filipacchi cuntaba namai con 24 años ya enantes graduase de Columbia, Jackson vendiera Nude Men a Nan Graham que taba cola casa editorial Viking Press. La novela foi tornada a 13 llingues, y les recensiones —tanto n’Estaos Xunios como nel estranxeru— fonon dafechu positives. Nel añu 1994, la novela fixo parte d' una antoloxía asoloyeda por Simon & Schuster baxo'l títulu The Best American Humor 1994.

La segunda y la tercera novela de Filipacchi, Vapor (1999) ya Love Creeps (2005), tamién foron recibíes perbién pola crítica y tornaes a delles llingües.

Les sos noveles tuvieron bona acoyida per parte d'editoriales, asina como d'escritores como Bret Easton Ellis, Tama Janovwitz, Edmund White, Dale Peck, Alain de Botton, Kathryn Harrison, y el direutor de cine Louis Malle.

La crítica fala de Filipacchi como daquién ensin llerza no que cinca al humor y del so talentu como prodixu del post-feminismu. El diariu The New York Times tratárala de ‘surrealista entrañable’. El so trabayu foi comparáu col de John Irving, Vladimir Nabokov, Muriel Spark, John Fante, Angela Carter, Lewis Carroll, Woody Allen, ya Ann Beattie. Love Creeps foi un de los 25 llibros mas lleíos pola crítica del selmanariu The Village Voice.

Darréu d'asoleyar Love Creeps en neerlandés nel añu 2004, Filipacchi foi invitada a facer parte del festival lliterariu de Saint Amour nel que viaxara per 10 ciudaes de Bélxica au Nude Men yera daquella el llibru mas vendíu, coincidiendo arriendes col día de San Valentín.

Anguaño vive en Nueva York.

Bibliografía editar

Referencies editar

  1. Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. Biblioteca Nacional de Francia. «autoridaes BNF» (francés). Consultáu'l 10 ochobre 2015.

Enllaces esternos editar