Andecha Obrera

Andecha Obrera foi una organización d'ideoloxía nacionalista asturiana, anguaño inactiva, que demientres la década de los años 1980 fizo españar dellos artefautos n'oxetivos típicos de les lluches obreres, como oficines del INEM o rellacionaos col conflictu naval.

Aiciones documentaes editar

El 25 de febreru de 1983 dase a coñocer col llanzamientu de cócteles molotov a una sucursal del Banco Hispano Americano nel barriu L'Arena de Xixón.
Meses dempués, el 10 de mayu de 1983 coloca artefautos en dos sucursales bancaries de Xixón, lo que fai saber al traviés d'una llamada a Radio Nacional de España n'Asturies yá que según espusieron, estos bancos "son la ruina de munchos trabayadores d'Asturies" acabando esta curtia declaración con un "Puxa Asturies". El primer artefautu, compuestu de pólvora y metraya, fizo esplosión a les dos de la madrugada na sucursal del Banco Hispano Americano, provocando numberosos daños materiales mesmo nel bancu como a cuatro coches allugaos na redolada, pero ensin daños personales. Diez minutos más llueu, equipos de desactivación de la Guardia Civil desactivaron otru artefautu compuestu d'un quilu de Goma-2 colocáu na entrada principal del Banco Herrero. Rellacionóse la so colocación a conflictos llaborales d'estes dos empreses.^[1]
El 30 de payares de 1983 comete un atentáu escontra'l Real Club Astur de Regatas de Xixón que vindicaría dos díes dempués con una llamada al diariu La Voz de Asturias. Noticia qu'espublizaba'l Diario de Navarra a 2 d'avientu 1983.
Retoma la so actividá'l simbólicu 1 de mayu de 1985 faciendo españar un artefautu d'un migayu potencia nun llocal comercial de Coca-Cola nel polígonu industrial de Tremañes, Xixón.^[2]
La madrugada'l 22 de setiembre de 1985 un artefautu de mediana potencia ye españáu de forma controlada na redolada la Oficina d'Emplegu (INEM) de Xixón por artificieros de la Guardia Civil.^[3]

Referencies culturales editar

El grupu asturianu de música Dixebra nomalos nel canciu Manifiestu'l Frente Folixariu, del discu Grieska editáu en cassete a fines de los 80.^[4]
Un blog pro-comunista y nacionalista asturianu tien el nome d'esta organización. Sicasí nun tien un res de ver.
Un programa de Radio Sele tien esi nomatu.

Referencies editar

↑ El grupo «Andecha Obrera» se atribuye la colocación de dos bombas en Gijón,, de La Vanguardia 11/05/1983.
↑ Artefacto casero en unos locales comerciales de Coca Cola, de La Vanguardia 02/05/1985.
↑ Cuatro artefautos explosivos, en Asturias y Andalucía, de El País 22/09/1985.
↑ Letra de la canción

[1] El grupo «Andecha Obrera» se atribuye la colocación de dos bombas en Gijón,, de La Vanguardia 11/05/1983.

[2] Artefacto casero en unos locales comerciales de Coca Cola, de La Vanguardia 02/05/1985.

[3] Cuatro artefautos explosivos, en Asturias y Andalucía, de El País 22/09/1985.

[4] Letra de la canción

[1]

[2]

[3]

[4]