Democracia económica

Democracia económica ye un movimientu socio-filosóficu que suxer la tresferencia del poder de decisiones dende una minoría d'accionistes (stockholders n'inglés) a la mayoría muncho mayor de partes interesaes (stakeholders n'inglés). Mientres nun hai una propuesta definitiva de como llogralo, toles propuestes d'implementación y exemplos concretos tán basaes nun conxuntu central d'asunciones fundamentales.

Democracia económica
cosmovisión y ideoloxía política
Cambiar los datos en Wikidata

El términu foi popularizáu pol economista d'Estaos Xuníos J. W. Smith, el que formó'l "Institutu pola Democracia Económica". Sicasí, les sos idees básense n'otres anteriores, tales como les de C.H. Douglas, Karl Polanyi, Henry George ya inclusive les d'Adam Smith y les de Karl Marx. Otros teóricos modernos de la democracia económica inclúin David Schweickart y Richard C. Cook. Amás, una variedá d'autores y posiciones que se pueden polo xeneral definir como partidaries de la economía sostenible tienen visiones congruentes cola propuesta.

Los proponentes de la teoría xeneralmente tán d'alcuerdu en que les condiciones actuales d'inestabilidá o inseguranza económica (ver precarización) tiende a enzancar o inclusive a prevenir la sociedá polo xeneral de llograr los ingresos abondos para como consumir la producción total d'esa sociedá. El creciente control monopólicu per parte yá seya de les empreses o l'Estáu sobro los bienes comunes típicamente produz una situación de "falta artificial", resultando nun desbalance socio-económicu qu'acuta l'accesu de la mayoría a oportunidaes económiques y mengua'l poder adquisitivu de los ingresos polo xeneral conduciendo asina a una situación d'inestabilidá política y económica.

Asumiendo amás que los derechos políticos o constitucionales nun pueden ser llograos na so totalidá ensin derechu a la propiedá les propuestes de la democracia económica suxuren una variedá de modelu, dellos basaos n'exemplos concretos, pa resolver los problemes d'esa inestabilidá o inseguranza y defectu de la demanda efectiva. Polo xeneral, promuevese accesu xeneral a los bienes comunes que fueren privatizaos o tean controlaos pol estáu. Propuestes secundaries, de sofitu, inclúin la promoción de cooperatives, comerciu xustu, renta básica universal o créditu social (nun confundir con microcréitu o banca social, a pesar que los inclúi); y promoción de desenvolvimientu al traviés d'iniciatives a nivel llocal o rexonal.

Ver tamién editar


Referencies editar

Enllaces esternos editar