Desmond Dekker (16 de xunetu de 1941Kingston – 25 de mayu de 2006Gran Londres), yera un cantante y compositor de ska y reggae.

Desmond Dekker
Vida
Nacimientu Kingston16 de xunetu de 1941[1]
Nacionalidá Xamaica
Muerte Gran Londres25 de mayu de 2006[2] (64 años)
Causa de la muerte infartu de miocardiu
Oficiu compositor, cantantecompositor de cantares
Xéneru artísticu reggae
Instrumentu musical voz
Discográfica Trojan Records (es) Traducir
Island Records
IMDb nm0215266
desmonddekker.com
Cambiar los datos en Wikidata

El cantante, del que'l verdaderu nome yera Desmond Adolphus Dacres, nació en Kingston (Xamaica) y quedó güérfanu na adolescencia. Foi'l primer gran astru del pop xamaicanu, cuando los nomes de Bob Marley o Jimmy Cliff tovía nun yeren conocíos.

Los primeros ésitos menores llegáron-y a mediaos de los años 60 na so tierra caribeña. Al entamu de la so carrera, la so música yera sincera y correuta. Foi a lo llargo de los años 60 cuando se tornó más políticu, treslladóse a Inglaterra y collechó ellí el so primer ésitu cola canción inspirada en James Bond 007 (Shanty Town), y qu'algamó gran sonadía ente los rude boys (mozos xamaicanos de los ghettos dedicaos a la delincuencia y a semar el terror).

La fama a nivel internacional llegó-y en 1969 con The Israelites, un cantar que fala de la rellación ente la probitú y la violencia. Tanto en Gran Bretaña como en muchos otros países llogró asina asitiase nel númberu ún de les llistes. Foi'l primer intérprete xamaicanu en metese nel mercáu d'Estaos Xuníos con música auténticamente xamaicana.

Desmond Dekker morrió d'un ataque al corazón el 25 de mayu de 2006, nel so llar de Surrey, Inglaterra, a la edá de 64 años. Dekker yera divorciáu y tenía un fíu y una fía.

Referencies editar

  1. Afirmao en: Internet Movie Database. Identificador IMDb: nm0215266. Data de consulta: 16 ochobre 2015. Llingua de la obra o nome: inglés.
  2. URL de la referencia: http://www.jamaica-gleaner.com/gleaner/20060526/ent/ent10.html.

Enllaces esternos editar