Edgar P. Jacobs
Edgar Félix Pierre Jacobs (30 de marzu de 1904, Bruxeles – 20 de febreru de 1987, Lasne (es) 
), más conocíu col nome d'Edgar P. Jacobs, ye un autor belxicanu de cómic autor de la serie Blake y Mortimer, y unu de los collaboradores d'Hergé.
Edgar P. Jacobs | |
|---|---|
| Vida | |
| Nacimientu | Bruxeles, 30 de marzu de 1904[1] |
| Nacionalidá |
 Bélxica [2] |
| Llingua materna | francés |
| Muerte |
Lasne (es) , 20 de febreru de 1987[1] (82 años) |
| Estudios | |
| Llingües falaes | francés[3] |
| Oficiu | dibuxante d'historieta, colorista, cantante d'ópera |
| Trabayos destacaos |
Blake y Mortimer (es) Le Rayon U (en) |
| Premios |
ver
|
| Movimientu |
School of Brussels (en) |
| Seudónimos | Edgar P. Jacobs |
| Xéneru artísticu |
línea clara (es) |
| IMDb | nm1105435 |
 | |
Biografía editar
Depués de ser figurante y cantante d'ópera ente 1917 y 1940, Jacobs dedícase a la ilustración, collaborando cola revista Bravo hasta 1946. Cuando'l cómic americanu Flash Gordon ye prohibíu pola ocupación alemana, dan-y la responsabilidá de terminalu a la so manera pa nun dexar a los sos llectores ensin desenllace. Darréu, publica na revista Bravo la so primera historieta, Le Rayon U nel mesmu estilu. Ellí atoparanse los mesmos tipos de personaxes.
Faise amigu d'Hergé y trabaya con él na amestadura de los álbumes Tintin au Congo, Tintin en Amérique, Le Sceptre d'Ottokar, y Le Lotus bleu en 1943, depués collabora l'añu siguiente en Les 7 Boules de cristal y en Le Temple du Soleil.
En 1946, forma parte del equipu del Journal de Tintin onde figura la so historia Le secret de l'espadon. Dende 1947, dexa la so collaboración con Hergé y publica Le mystère de la grande pyramide en 1950. Un álbum convertíu en lleenda de Jacobs, La marque jaune asoleyáu en 1953. Darréu vienen L'énigme de l'Atlantide en 1955, S.O.S. météores en 1958, Le piège diabolique en 1960, L'affaire du collier en 1965.
Jacobs publica en 1970 el primer tomu de les trois formules du professeur Satô que tienen llugar en Xapón. Nun será hasta diecisiete años más sero cuando apaecerá'l segundu tomu, póstumu, enteramente dibuxáu por Bob de Moor, con guión y maqueta de Jacobs.
Les aventures de Blake y Mortimer conocieron nuevos episodios baxo'l llapiceru y la pluma d'estremaos dibuxantes y guionistes, que ficieron referencies discretes al pasáu « Jacobsianu » de la serie asina como guiñaes a los primeros llectores de les histories.
Obres editar
Blake y Mortimer editar
- Le Secret de l'Espadon tomos 1 - 2 - 3 (inicialmente asoleyaos de manera integral en dos volúmenes solamente)
- Le Mystère de la grande pyramide tomos 1 - 2
- La Marque jaune
- L'Énigme de l'Atlantide
- S.O.S. Météores
- Le Piège diabolique
- L'Affaire du collier
- Les 3 Formules du professeur Sato tomu 1
Otros editar
- Le Rayon U
- La guerre des mondes, de Herbert George Wells, nel qu'E.P. Jacobs s'inspira.
Premios editar
Jacob recibió'l Grand Prix Saint-Michel concedíu en 1971.
Obres sobre Edgar P. Jacobs editar
- 1976 : Les Cahiers de la Bande Dessinée n° 30, Edgar P. Jacobs, Ed. Glénat
- 1981 : Edgar P. Jacobs, 30 ans de bandes dessiinées, Ed. Alain Littaye
- 1981 : Un opéra de papier, Les mémoires de Blaker et Mortimer, autobiografía de Edgar P. Jacobs, Ed. Gallimard
- 1984 : Le monde de Edgar P. Jacobs, de Claude Le Gallo, coleición "Nos auteurs", Ed. du Lombard
- 1988 : Blake, Jacobs et Mortimer, de Gérard Lenne, Ed. Archimbaud
- 1989 : Edgar P. Jacobs, coleición "de livre une oeuvre", de Jean-Paul Dubois, Ed. Labor
- 1990 : Edgar P. Jacobs Le Baryton Du 9e Art, de Jean-Marc Guyard, Ed. Blake Et Mortimer
- 1990 : L'affaire Jacobs, de Gérard Lenne, Ed. Megawave
- 1993 : Le Royaume d'Edgar J., de Jacques Laudy, Ed. Loempia
- 2000 : Edgar P. Jacobs Ou Les Entretiens Du Bois Des Pauvres, de François Rivière, Ed. Du Carabe
- 2003 : La Damnation d'edgar P. Jacobs, de Benoît Mouchart y François Rivière, Ed. Seuil-Archimbaud
- 2004 : Jacobs, la marque du Fantastique, de René Nouaihat, Ed. Mosquito
- 2004 : Le manuscrit E.P. Jacobs, de Charles Dierick, Ed. Dexia
- 2004 : E.P. Jacobs, La marque du siècle, de Jean Auquier, Ed. CBBD y la Poste Belge
- 2004 : Chez Edgar P. Jacobs, dans l'intimité du père de Blake et Mortimer, de Philippe Biermé, Ed. du Céfal
- 2005 : Edgar P. Jacobs et le secret de l'explosion, de Renaud Chavanne, Ed. PLG
- 2006 : La Damnation d'Edgar P. Jacobs (edición refundida), por Benoît Mouchart y François Rivière, Ed. Points Seuil
Referencies editar
- ↑ 1,0 1,1 Afirmao en: Gemeinsame Normdatei. Data de consulta: 29 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ «RKDartists» (neerlandés). Consultáu'l 7 xunu 2020.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
Enllaces esternos editar
Wikimedia Commons acueye conteníu multimedia sobre Edgar P. Jacobs 
.- Edgar P. Jacobs na Internet Movie Database (n'inglés)
Datos: Q470422- Multimedia: Edgar P. Jacobs
