El Eco de Asturias

El Eco de Asturias, que se definía na so cabecera como diario liberal democrático, foi un periódicu diariu en castellanu espublizáu n'Uviéu ente 1868-69 y 1891.

El Eco de Asturias
Datos
Tipu	periódicu
Fundación	1868-1869
Fin	1891
Idioma	castellanu
Estáu	España
Sede	Uviéu
Fundador	Enrique de Uría

Taba dirixíu por Enrique de Uría, y de la so importancia da cuenta'l datu de la so tirada en 1880, que yera de 890 exemplares. El diariu entamó teniendo una tendencia lliberal, magar que dempués pasó a ser de tendencia republicana progresista. Los sos redactores foron Telesforo Salcedo y Andrés Sánchez del Real, y nelli colaboraron, ente más otros, Leopoldo Alas, Cárabes, Fernando González,, Juan Ochoa Betancourt, Laureano Suárez o Tomás Tuero. Representó, nos sos anicios, a los amadeístes asturianos (partidarios del rei Amadéu I de Saboya), y ello llevó-y a tener grandes polémiques con El Faro Asturiano, foru d'espresión de los lliberales unionistes, col semanariu republicanu d'izquierdes El Amigo del Pueblo y col múerganu d'espresión de los carlistes, La Unidad. Tres de la época republicana, cola vuelta de los Borbones al tronu, pasó por bien de dificultaes que lu empobinaron a la so desapaición en 1891, añu nel que pasó a llamase La Libertad.

Bibliografía

• Gran Enciclopedia Asturiana. Silverio Cañada Editor, Xixón, 1982. Tomu 6, p. 58.

Enllaces esternos

• Wikimedia Commons tien conteníu multimedia tocante a El Eco de Asturias.

• Datos: Q20615996