Fernando Mon

Fernando Mon ye un músicu asturianu conocíu pol so trabayu nel grupu de Heavy metal Warcry.

Fernando Mon
Vida
Nacimientu	Uviéu, 12 d'avientu de 1976 (47 años)
Nacionalidá	España
Estudios
Llingües falaes	castellanu
Oficiu	músicu
Xéneru artísticu	power metal (es)
Instrumentu musical	guitarra

Historia

Fernando naz el 12 d'avientu de 1976 n'Uviéu, España. Con 8 años empieza a demostrar la so predisposición pa la música al destacar nel colexu pol so interés pol tecláu y la flauta. Dos años más tarde empieza a estudiar solféu, ritmu, pianu y órganu. Yá con 12 años empieza a tocar la guitarra, preséu nel que se centraría dende esi momentu.

Darréu empieza a rellacionase col so vecín Alberto Rionda (Avalanch), y xuntos empiecen un rápidu ascensu nel movimientu musical del so conceyu Llanera, faciendo numberosos conciertos, y actuaciones al traviés de la escuela municipal de música a la cual pertenecen los dos, y onde xuntos, ameyoren y perfeccionen la so téunica y conocencies musicales, mientres esti tiempu, conocen a Victor García (Avalanch , Warcry) , grabando la so primer maqueta'l mesmu día que se conocen, dicha maqueta llegaría a les manes del grupu Avalanch, que nesos momentos buscaben músicos pa completar la banda, xuniéndose los trés al proyeutu. Fernando Mon ye'l primeru n'abandonar el proyeutu de Avalanch pa centrase nos sos estudios de guitarra, tres más de dos años formando parte de la banda, victor García seria'l siguiente en salir, y darréu veríense nuevamente les cares, compartiendo talentu y grandes momentos en Warcry.

Dende 2002 publica los siguientes discos con Warcry: Warcry, El Sellu de los Tiempos, Alea Jacta Est, ¿ú la lluz?, Direutu a la lluz y La Quinta Esencia.

Dempués forma parte de Sauze , xunto a los sos compañeros en Warcry, Alberto Ardines y Manuel Ramil, xuniéndose a dichu proyeutu, Toni Amboaje ex-Hard Spirit y Luis Melero. Al pie de Sauze grabó yá dos trabayos "Nada tien sentíu" y "El meyor momentu", nos que s'encarga de toles guitarres y el baxu.

Fernando Mon, collaboró no que va ser el primer discu de Ramil, carismáticu cantante salíu de l'academia Operación Triunfo 2011, que va ver lluz en curtia, coles de profesor na Academia Arrame Rock School d'Uviéu so la direición del guitarrista asturianu Alberto Rionda.

Discografía

Warcry

• El Sellu de los Tiempos (2002)
• Alea Jacta Est (2004)
• ¿ú la lluz? (2005)
• Direutu a la lluz (2006)
• La Quinta Esencia (2006)

Sauze

• Nada tien sentíu (2008)
• El meyor momentu (2009)

Collaboraciones

• Warcry (2002)

Enllaces esternos

• Datos: Q5444836