Francis Drake
Esti artículu necesita wikificase. |
Sir Francis Drake (13 de xunetu de 1540, Tavistock – 28 de xineru de 1596, Portobelo (es) 
) foi un famosu corsariu inglés.
Francis Drake | |||||||||
|---|---|---|---|---|---|---|---|---|---|
 | |||||||||
Distritu: Bossiney (en)
Distritu: Camelford (en)
Distritu: Plymouth (en) | |||||||||
| Vida | |||||||||
| Nacimientu | Tavistock[1], 13 de xunetu de 1540[2] | ||||||||
| Nacionalidá |
 Reinu d'Inglaterra [3] | ||||||||
| Residencia |
Buckland Abbey (es) | ||||||||
| Muerte |
Portobelo (es) [4], 28 de xineru de 1596[5] (55 años) | ||||||||
| Sepultura | Océanu | ||||||||
| Causa de la muerte | Disentería | ||||||||
| Familia | |||||||||
| Padre | Edmund Drake | ||||||||
| Casáu con |
Mary Newman (1569 – 1582)[6] Elizabeth Sydenham (1585 – 1596) | ||||||||
| Estudios | |||||||||
| Llingües falaes | inglés[7] | ||||||||
| Oficiu | esplorador, marineru, militar, corsariu, políticu, inxenieru | ||||||||
| Premios |
ver
| ||||||||
| Serviciu militar | |||||||||
| Cuerpu militar | Royal Navy | ||||||||
| Graduación | vicealmirante | ||||||||
| Lluchó en |
Guerra anglo-española de 1585-1604 (es) | ||||||||
 | |||||||||
 | |||||||||
.svg){kind=small}
Marineru dende mozu, foi abordáu por barcos españoles que afirmaben que la empresa familiar de buques mercantes que tenía, yera una tapadera namás pa exercer la piratería con impunidá. Esti fechu llevolu a vengase nel 1572 atacando'l puertu colombianu de Nome de Dios entamando asina la so andadura oficial como pirata.
A pesar de los desastrosos resultaos de les sos primeres campañes como pirata remuneráu pela corona inglesa, na qu'encadenó varies derrotes sucesives escontra l'Armada Española, Drake algamo a convencer a la reina Sabela I d'Inglaterra pa qu'esta siguiere financiando na solombra les sos actividaes piratesques, a cambéu duna parte la cacida.
Acompañáu, según cuenta la lleenda, duna tripulación formada por franceses y esclavos africanos, algamó una inmensa corexa n'oru, poro, según el propiu Drake contaba, tuvo de dexar detrás un importante cacida en plata ya que yera demasiau pesáu pa llevalo de regresu a Inglaterra. Nesta expedición a Nome Dios, Drake convirtióse nel primer inglés en ver l'océanu Pacíficu.
Tamién recibió financiación del Conde de Essex a cambéu d'atacar tanto naves irlandeses comu españoles.
Pel montante lo arrampuñao a les naves españoles n'América, la reina Isabel I de Inglaterra premiolu otorgando-y en 1581 el títulu de Sir.
Foi'l primer inglés en cruzar l'estrechu de Magallanes y el primer inglés en dar la vuelta al mundiu en (1580). A raíz desto entamó una campaña propagandística pa facer ver qu'él foi'l primer home en circunnavegar la Tierra, inorando dafechu que l'español Juan Sebastián Elcano hubiere llograo l'azaña 60 años enantes. Pretendió tamién ser el primeru en descubrir que Tierra'l Fueu nun yera parte'l continente sino un archipiélagu, poro numberosos documentos de navegantes españoles prueben qu'esta foi sólo otra de les sos ególatres pretensiones. Amas d'esto, puso-y nome a lo que güei conozse como Estrechu de Drake, a pesar de que l'esplorador español Francisco de Hoces hubiere descubierto esi estrechu, nomau Mar d'Hoces muncho enantes, en 1525.
Tras llargos viaxes y una cacida que según él, alcanzaba los 25 barcos, dedicóse a la piratería nes Antilles y al tornar a Inglaterra atacó y saqueó Cádiz en 1587.
Polos sos llogros foi nomau Vicealmirante pela reina inglesa, que mentres afirmaba delantre los embaxadores españoles nun tener na que ver cola piratería, seguía financiando discreta y arrogantemente les campañes de Drake.
Francis Drake lluchó escontra l'Armada Invencible que intentaba invadir Inglaterra en 1588. A pesar de que a la fin Drake retiróse de la batalla, una lleenda inglesa entaila que Drake xugaba a los bolos en Plymouth cuandu recibió noticies de que se allterminaregaba la flota española, a lo cual repuso que primeru finaría la partía y llueu derrotaría a los españoles.
Finalmente nomáu Almirante embarcase nuna llarga y desastrosa campaña escontra l'América española, na que amorrenta varies derrotes consecutives. Cuando cumple col encargu d'atacar Puertu Ricu, los artilleros españoles del castiellu El Morro algamen el ponte'l so barcu, aunque Drake sobrevive. Pocu dempués, atacó de nuevu San Juan de Puerto Rico, onde vovió a ser derrotáu. Ante les grandes pérdides económiques y humanes de la so campaña escontra puertos fortificaos españoles, prebó suerte coles poblaciones desprotexíes, anque a la fin muerre de disentería. La so tripulación saqueó y chamuscó la indefensa ciudá de Portobelo n'honor d'él.
Francis Drake ye consideráu por munchos historiadores comu un gran corsariu, pero tamién como un gran mentirosu, que esaxeraba les sos victories y hazañes na mesma proporción en que ocultaba los sos fracasos y derrotes.
La casa onde ñació y vivió hasta aventurase pelos mares, alcuéntrase actualmente al borde duna carretera secundaria a unos cien quilómetros al oeste de Londres. Güei ta convertida nun hostal.
Referencies editar
- ↑ URL de la referencia: http://www.bbc.co.uk/history/historic_figures/drake_francis.shtml.
- ↑ URL de la referencia: https://pantheon.world/profile/person/Francis_Drake. Apaez como: Francis Drake. Data de consulta: 9 ochobre 2017.
- ↑ Afirmao en: Encyclopædia Britannica Online. Identificador Encyclopædia Britannica Online: EBchecked/topic/557776/history-of-Spain. Llingua de la obra o nome: inglés.
- ↑ URL de la referencia: http://www.cnn.com/2014/08/14/travel/reasons-visit-panama/.
- ↑ Afirmao en: Find a Grave. Data de consulta: 29 agostu 2019. Llingua de la obra o nome: inglés.
- ↑ Identificador de persona en The Peerage: p24901.htm#i249003. Data de consulta: 7 agostu 2020.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
Enllaces esternos editar
Wikimedia Commons acueye conteníu multimedia sobre Francis Drake 
.- «Francis Drake». en Find a Grave. (n'inglés)
Datos: Q36517- Multimedia: Francis Drake
