Gustav Klimt
Gustav Klimt (14 de xunetu de 1862, Viena – 6 de febreru de 1918, Viena) foi un pintor simbolista austriacu y ún de los miembros más destacaos del movimientu Art Nouveau de Viena.
Gustav Klimt nació en Baumgarten, cerca de Viena, Austria. Estudió na Escuela d'Artes y Oficios de Viena ente los años 1879 y 1883, onde aprendió a trabayar les téuniques de les artes decoratives. Klimt tamién foi miembru honorariu de les universidaes de Múnich y Viena.
Trabayó distintes formes, dende pintures y murales a bocetos y otres obres d'arte, la mayoría de les cuales tan espuestes en Viena. Foi'l fundador de la Wiener Sezession (Secesión de Viena) y del so periódicu "Ver Sacrum". Klimt ye famosu pol usu del oru nes pintures que descubrió depués de ver los mosaicos bizantinos de Rávena. Ante los desacuerdos con dellos artistes del grupu, dexa la 'Secession' en 1905, acompañáu por Koloman Moser, Carl Moll, Otto Wagner y otros. Depura'l so estilu, evitando, a partir de 1909 l'empléu del oru.
Klimt tamién ye famosu por representar muyeres desnudes nes sos pintures, siguiendo'l criteriu del art nouveau, ilustrándoles etérees y segures, casi como sirenes rodeaes de flores y oru. A veces, xugaben un papel dañible. Les sos modelos, yeren polo xeneral muyeres que pertenecíen a la burguesía vienesa, pero tamién tenía un séquitu de muyeres prostitutes o de vida humilde que-y servíen de muses. El tema que trata na mayoría de los sos cuadros ye la sexualidá femenina y l'equilibriu cola masculinidá. Tien por ello, influencies neoplatóniques.
Nesi mundu femenín, Klimt recorre'l ciclu de la vida en toles sos etapes : procreación, xestación, infantes, mocedá y vieyera, salú y guapura, enfermedá y muerte.
Solteru endurecíu, vive con so madre y les sos hermanes. Tien, ensin embargu, numberoses amantes y dellos fíos.
Gustav Klimt morrió en Viena por una neumonía, unos meses enantes del fin del Imperiu Austrohúngaru, y enterráronlu nel cementeriu vienés de Hietzing.
En xunu de 2006 una obra suya, el retratu d'Adele Bloch-Bauer, convirtióse na pintura más cara de la historia, al vendese por 135 millones de dólares.
Obres Principales editar
- Les pintures murales de la Universidá de Viena
- Los mosaicos del Palaciu Stoclet de Bruxeles
- Buchenwald ((n'alemán) Birkenwald) (1901);
- Judith I (1902);
- Emilie Floge (1902);
- Judit II;
- Wasserschlangen I (1904);
- Adele Bloch-Bauer I (1907);
- Le Baiser (1907);
- Salomé (1909);
- Adele Bloch-Bauer II (1912);
- Die Jungfrau (1913);
- Los frisos Beethoven de la Galeria Secession de Viena ;
- El Cumplimientu ;
- La Espera ;
- Serena Pulitzer Lederer, retratu, oleu sobre tela, 190,8 x 85,4 cm, Metropolitan Museum of Art, New York.
Referencies editar
- ↑ 1,0 1,1 Afirmao en: Archivio Storico Ricordi. Data de consulta: 3 avientu 2020. Identificador del Archivio Storico Ricordi: 16954.
- ↑ 2,0 2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Find a Grave. Identificador Find a Grave: 1293. Llingua de la obra o nome: inglés.
- ↑ «Biography». Consultáu'l 17 mayu 2022.
- ↑ Identificador ULAN: 500030531. Afirmao en: Union List of Artist Names. Data d'espublización: 5 abril 2021. Data de consulta: 21 mayu 2021. Llingua de la obra o nome: inglés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://www.geschichtewiki.wien.gv.at/K%C3%BCnstlerhaus-Preise. Data de consulta: 17 mayu 2022.
- ↑ Afirmao en: Encyclopédie du symbolisme. Autor: Jean Cassou. Data d'espublización: 1979.
- ↑ Afirmao en: Encyclopædia Britannica Online. Identificador Encyclopædia Britannica Online: biography/Gustav-Klimt. Llingua de la obra o nome: inglés.
- ↑ «libro de bautismos». Consultáu'l 25 abril 2022.
Enllaces esternos editar
Wikimedia Commons acueye conteníu multimedia sobre Gustav Klimt 
.- Art of Klimt
- Gustav Klimt Pictorial Histories
Datos: Q34661- Multimedia: Gustav Klimt
Cites famoses: Gustav Klimt
