Junts per Catalunya (partíu políticu)
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Junts o Junts per Catalunya (n'asturianu, Xuntos y Xuntos por Cataluña) ye un partíu políticu catalán que ñaz d'una dixebra na coalición Junts per Catalunya col Partíu Demócrata Européu Catalán (PDeCat). Ye una organización catalanista de calter independentista creada pol expresidente de la Xeneralidá de Cataluña, Carles Puigdemont.
| Junts per Catalunya (partíu políticu) | |
|---|---|
 | |
| Acrónimu | Junts |
| Presidente | Laura Borràs |
| Secretaría xeneral | Jordi Turull i Negre |
| Fundación | 25 de xunetu de 2020[1] |
| Sede | Barcelona |
| Estáu |
 España |
| Afiliaos | 6010 (16 xunu 2022) |
| Ideoloxía política | Independentismu catalán, republicanismu, Europeísmu, Unilateralismu, Municipalismu, feminismu |
| Posición nel espectru | Derecha |
| Organización de mocedá | Mocedá Nacionalista de Cataluña |
| Páxina web | junts.cat |
 | |
Historia editar
Entamu editar
Dempués de la dixebra de CiU ente Converxencia Democrática de Cataluña (CDC) y Xunión Democrática de Cataluña (XDC) en xunu de 2015,[2][3] Converxencia Democrática pasará a formar parte de la Coalición Junts pel Sí al costáu de dellos partíos catalanes (ente los cualos destaca Esquerra Republicana) pa concurrir a les eleiciones autonómiques de setiembre de 2015.[4]
Darréu, en xunetu de 2016, los simpatizantes de Converxencia Democrática de Cataluña van decidir acabar cola actividá política del partíu,[5] impulsando la formación del nuevu Partit Demòcrata Europeu Català (PDeCat) nesi mesmu mes.[6] Non obstante, la vieya CDC va siguir existiendo a nivel formal, pasando la CDC y el nuevu PDeCat a conformar la Coalició Junts per Catalunya, que participará nes eleiciones al Parllamentu de Cataluña de 2017.[7]
Finalmente, el 11 de xunetu de 2018, se rexistra nel Rexistru de Partíos Políticos del Ministeriu del Interior a Junts per Catalunya como un partíu políticu, con sede na Rambla de Cataluña y baxo la presidencia de Laia Canet.[8] De manera paralela, nesi mesmu xunetu de 2018, l'espaciu más próximu al expresidente Carles Puigdemont (viviendo en Bélxica dende 2017) decide impulsar el nuevu partíu de la Crida Nacional per la República (CNxR) cola finalidá d'atorgar una nueva alternativa a la causa independentista.[9]
Dixebra y primer Congresu de fundación (2020) editar
En xunetu de 2020, les negociaciones ente l'espaciu más próximu al expresidente Puigdemont (CNxR) y el PDeCAT amuesen la necesidá de reestructurar l'espaciu políticu de la Coalición JxCat.[10] Mientres que'l PDeCAT apostaba pola continuación del modelu de coalición, calteniendo al PDeCat como partíu de centru-derecha independiente, l'entornu de Puigdemont apuesta pola creación d'un nuevu partíu políticu unificáu más progresista y unilateralista.[11][12]
A consecuencia de la dificultá, l'entorn de Puigdemont faise col mandu del partíu políticu rexistráu, camudando tanto la so sede (de la Rambla de Cataluña a l'Avenida Diagonal) como la so presidencia, que va cayer en manes de Carles Valls (alcalde de Balenyà, cercanu a Puigdemont).[13] Esta aición va ser criticada fondamente pol PDeCAT, que consideraba al partiy "Junts per Catalunya" como una marca de la so propiedá.[14]
El 25 de xunetu de 2020 va celebrase un congresu de fundación con una sesión online na cual van participar munchos altos cargos de la coalición JxCat como Marta Madrenas, Elsa Artadi, Laura Borràs, Meritxell Budó o'l mesmu Carles Puigdemont. Frutu d'esti procesu, el partíu va anovar la so Executiva llanzando una consulta pela rede a los sos simpatizantes, resultando escoyíu a Carles Puigdemont como presidente'l partíu (col 99,3% de los votos), y Jordi Sànchez como'l so secretariu xeneral (col 94,2% de los votos).[15]
Resultaos eleutorales editar
| Añu | Votos | Porcentaxe | Candidatu |
|---|---|---|---|
| 2021 | Ensin confirmar |
Ver tamién editar
- Quim Torra
- Junts per Catalunya (coalición)
Referencies editar
- ↑ URL de la referencia: https://www.elperiodico.cat/ca/politica/20200702/puigdemont-anuncia-nou-partit-jxcat-8023389.
- ↑ La rotura de CiU dexa via llibre a Mas pa cumplir el so plan independentista https://elpais.com/ccaa/2015/06/18/catalunya/1434618723_909552.html
- ↑ Los cinco dies que van dinamitar CiU https://www.lavanguardia.com/politica/20200614/481764802955/ciu-convergencia-i-unio-ruptura-aniversario-artur-mas.html
- ↑ La llista de 'Junts pel Sí' d'Artur Mas y Oriol Junqueras algama los 32.000 candidatos https://www.elconfidencial.com/espana/cataluna/elecciones-catalanas/2015-08-10/la-lista-de-junts-pel-si-de-artur-mas-y-oriol-junqueras-roza-los-32-000-candidatos_962178/
- ↑ CDC clausura l'últimu congresu de los sos 42 años d'historia y entama una nueva etapa https://www.europapress.es/catalunya/noticia-cdc-clausura-ultimo-congreso-42-anos-historia-abre-nueva-etapa-20160708190316.html
- ↑ La nueva CDC va llamase Partit Demòcrata Català. https://www.expansion.com/catalunya/2016/07/10/57821a33268e3ecc0a8b460f.html
- ↑ Junts per Catalunya, la marca eleutoral de Puigdemont y el PDeCAT https://cronicaglobal.elespanol.com/politica/junts-per-catalunya-puidemont-pdecat_99689_102.html
- ↑ La llucha pol mandu de JxCat abre un nuevu frente con Puigdemont https://www.lavanguardia.com/politica/20200709/482195514056/la-pugna-por-el-control-de-jxcat-abre-un-nuevo-frente-con-puigdemont.html
- ↑ Puigdemont impulsa la Crida Nacional pa superar preseos "caducaos" https://www.elperiodico.com/es/politica/20180716/puigdemont-torra-movimiento-politico-6944976
- ↑ La Mocedá Nacionalista de Cataluña esixe al PDeCAT y a la Crida nun zarrar coles negociaciones pa consolidar l'espaciu de JxCat https://www.europapress.es/nacional/noticia-jnc-pide-pdecat-crida-no-romper-negociaciones-consolidar-espacio-jxcat-20200703173554.html
- ↑ Puigdemont abre ciclu políticu en Catalunya col so partíu y el 1-O como única ideoloxía. https://www.elconfidencial.com/espana/cataluna/2020-07-25/cataluna-puigdemont-jxcat-enterra-cdc_2695647/
- ↑ Les cinco causes del divorciu de Puigdemont https://www.elperiodico.com/es/politica/20200705/causas-divorcio-carles-puigdemont-pdecat-8023598
- ↑ Puigdemont mou peça per quedar-la hi marca JxCat https://www.ara.cat/politica/puigdemont-marca-jxcat_0_2486151432.html
- ↑ El PDeCAT acusa a Puigdemont de romper con la palabra dada sobre la marca JxCat https://www.europapress.es/catalunya/noticia-pdecat-acusa-puigdemont-romper-palabra-dada-acuerdos-marca-jxcat-20200710205033.html
- ↑ Junts constituí la so direutiva mientras zarra la puerta a una coalición eleutoral col PDECat https://www.lavanguardia.com/politica/20200809/482749852212/junts-directiva-cierra-puerta-coalicion-pdecat.html
Datos: Q97155800
Multimedia: Junts per Catalunya (political party)
