KHangMan

KHangMan ye una ferramienta pal deprendizaxe d'idiomes basada en xuegu del aforcáu pal escritoriu KDE. Forma parte del paquete Kdeedu. Ta dirixida a neños y neñes a partir de seis años.

KHangMan

Última versión	24.02.1 (versión estable (es) , 21 marzu 2024)
Escritu en	C++
Sistema operativu	Linux y Microsoft Windows
Tipu	aplicación y software llibre
Llicencia	GNU General Public License, versión 2.0 o posterior (es)
Parte de	KDE Applications (es)
N'asturianu	Sí
Más información
Sitiu web	Web oficial
Códigu fonte	Códigu fonte

KHangMan tien cuatro niveles de dificultá (nomes d'animales, fácil, mediu y difícil). Nel nivel d'animales namái s'amuesen, obviamente, nomes d'animales, y nel fácil pallabres rellacionaes cola vida cotidiana (afayadizo pa neños y neñes de 6 a 9 años). Al nivel mediu les pallabres yá entamen a ser más llargues y difíciles (pa mozos y moces de + de 9 años). Nel nivel difícil les pallabres son complicaes y pocu conocíes, difícil inclusive pa persones adultes.

El programa escueye una pallabra aleatoriamente, amuésanos les lletres que contién la pallabra col símbolu de sorrayáu y tenemos d'aldovinar esa pallabra probando una lletra tres d'otra. Si calcamos una lletra equivocada va dibuxándose la imaxe del aforcáu, nun s'hai d'esmolecer polos neños, darréu que nel casu de KHangMan amuésase la del logo de KDE, y tenemos que consiguir aldovinar la pallabra primero que lu colinguen. En total disponemos de diez intentos pa consiguilo.

La llingua cola que empecipia por defeutu'l KHangMan la primer vegada que lu usamos ye l'inglés, magar que podemos camudar por otra (dispón d'hasta 24 llingües distintss, y puen amestase-y nueves llingües), asina como l'aspeutu (mar o desiertu) y la dificultá.

Tien de tenese en cuenta que toles pallabres que nos amuesa son sustantivos, nun esisten verbos, axetivos, etc.

Enllaces esternos

• Wikimedia Commons tien conteníu multimedia tocante a KHangMan.

• Datos: Q1072832
• Multimedia: KHangMan