La Familia Castañón
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Familia Castañón, xente llano de Xixón foi una tira diaria creada pol dibuxante Ígor Medio y asoleyada nel suplementu de veranu del diariu La Nueva España.
| La Familia Castañón | |
|---|---|
daily comic strip (en)  | |
| Datos | |
 |
La tira surde a finales del mes de xunu de 1997 por encargu del periodista Javier Cuervo y tenía como destín el suplementu La Escalerona. El formatu yera d'un cuartu de páxina a lo ancho en blanco y negro, aunque tamién vieron la lluz delles aventures a páxina completa.
La familia compónenla el Güelu (bebedor y castrón), el Guaje (adictu a los videu xuegos), la Mama (esclava de la familia), el Papa (metalúrxicu y con gorra) y la Guaja Castañón (adolescente). Diariamente, a lo llargo de los meses de xunetu y agostu, apaecen nel periódicu relatando socedíos de la vida cotidiana d'una familia xixonesa en vacaciones que pasa buena parte del so tiempu na playa o viaxa, a bordo del so utilitariu, a les fiestes de más sonadía de la xeografía asturiana.
La Familia Castañón sigue'l camín entamáu na historieta asturina por Alfonso Iglesias colos sos personaxes Pinón, Telva y Pinín y por Adolfo García con La Familia Fariñones, aunque nel casu de los Castañón nun se trata de xente del mediu rural, sinón d'una familia que vive nun entornu urbanu.
A lo llargo de los años el grafismu de los personaxes sufrió delles modificaciones tendentes a simplificar dellos aspectos de los mesmos.
La serie tuvo presente durante nueve temporaes ente 1997 y 2005, magar la última aventura de la familia apaeció nel exemplar del periódicu del día 1 de xunetu de 2006 con motivu d'un homenaxe a Ígor Medio que morriera n'accidente de circulación el 24 de xunu y formaba parte de les que yá tenía entregaes pal veranu de 2006. Nel añu 2004, l'autor fizo una recopilación de les tires asoleyaes y editó un llibru con elles tituláu “Too Castañón. 1997-2004” (ISBN 84-37005427-01-3)
Referencies editar
Enllaces esternos editar
Wikimedia Commons tien conteníu multimedia tocante a La Familia Castañón.
Datos: Q20604907
