Manuel del Fresno y Pérez del Villar

Manuel del Fresno y Pérez del Villar (1 de xineru de 1900, Uviéu – 2 de payares de 1936), foi un compositor y músicu asturianu.

Manuel del Fresno y Pérez del Villar
Vida
Nacimientu	Uviéu, 1 de xineru de 1900
Nacionalidá	España
Muerte	2 de payares de 1936 (36 años)
Causa de la muerte	mancada por arma de fueu
Familia
Padre	Saturnino del Fresno Arroyo
Estudios
Llingües falaes	castellanu
Oficiu	compositor, soldáu, pianista
Instrumentu musical	pianu

Biografía

Manuel del Fresnu y Pérez del Villar nació n'Uviéu, el 1 de xineru de 1900, siendo fíu del músicu Saturnino del Fresno Arroyo y nietu de Ramón del Fresno y Cueli (1834-99) escultor, profesor de dibuxu y unu de los primeros fotógrafos d'Asturies. Entamó los sos estudios de pianu de la mano del so padre. Treslladóse a Madrid pa estudiar música llogrando'l títulu nel Conservatoriu Nacional de Música y Declamación de Madrid. Tornó a Uviéu en 1918, siendo contratáu como suplente del organista oficial de la Catedral d'Uviéu.

En 1921, foi nomáu profesor auxiliar de pianu na Academia de Belles Artes de San Salvador.

En 1935, llegó a la direición de la Coral Vetusta, un añu más tarde al empecipiase'l asediu d'Uviéu mientres la guerra civil foi movilizáu col grau de sarxentu. Finó'l dos de payares al ser mancáu mortalmente de bala mientres defendía'l puestu de Los Carmelites n'Uviéu.

Obra

La so obres más conocíes son:

• Vetusta, fantasía estrenada'l 1 de setiembre de 1931
• Paisaje asturiano, poema sinfónicu estrenáu'l 23 d'ochobre de 1935 pola Orquesta Clásica de Madrid, dirixida por José Maria Franco, dientro de la temporada de conciertos de la Sociedá Filarmónica d'Uviéu.
• Wilbertranz y Marilin, valses, el segundu de los cualos dedicáu a la so fía del mesmu nome.
• Coleición de cantos asturianos.

Bibliografía

• Casaprima Collera, Adolfo (1995). Una vida pa la música. Historia de la Sociedá Filarmónica d'Uviéu, 1907-1994 (en castellanu). Casaprima, Editor. ISBN 84-605-2458-2.

Enllaces esternos

• Datos: Q5994817