Mario Viñuela

Mario Viñuela
Vida
Nacimientu	Xixón, 12 de marzu de 1982 (42 años)
Nacionalidá	España
Estudios
Estudios	Universidá de Salamanca
Llingües falaes	castellanu
Oficiu	compositor
IMDb	nm4984949

Mario Viñuela (12 de marzu de 1982, Xixón) ye un compositor y realizador asturianu. Ye llicenciáu en Comunicación Audiovisual. Realizó los estudios de Radio and Television na Universidá de Salford, Manchester (Reinu Uníu), un cursu cimeru de montaxe y postproducción nuna escuela de cine de Madrid y un doctoráu sobre estudios cinematográficos na Universidá de Salamanca.

Dirixó diversos curtiumetraxes y videoclips, llogrando premios tanto nacionales como internacionales, ente ellos el Premiu al Meyor curtiumetraxe nel I Festival de Curtiumetraxes Lumière de Cartagena de Indias (Colombia) en 2010. Como músicu y compositor, compunxo bandes sonores pa televisión (Disney XD, canal Boing, Cartoon Network y Canal Crime ya Investigación) y proyeutos de ficción, llogrando la Mención especial del xuráu nel VII Festival Nacional de Curtiumetraxes de Boadilla del Monte (Madrid, 2011) pol curtiumetraxe "Jaque", d'Iker Franco.

En 2012 compón, produz y edita dos discos instrumentales; del so primer trabayu en solitariu, "L'estragal de les emociones", editóse un llibru de partitures por Ap Música. En 2013, col mesmu sellu, edita'l so segundu llibru: "Pianu works". En 2014, publica'l so tercer trabayu discográficu y compón la banda sonora del llargumetraxe "Tol tiempu del mundu", del direutor José Antonio Quirós, Premios AMAS 2015 a la meyor banda sonora orixinal. En 2015, compón la banda sonora del curtiumetraxe "One step ahead", pola que recibe un Premiu GAVA a la meyor banda sonora nel Festival Internacional de Cine de Xixón. Esi mesmu añu compón la música del llargumetraxe "El signu de Caronte", del direutor Nestor F. Dennis, protagonizada por Rubén Cortada y Melani Olivares.

En 2017 compón música orixinal pa la obra de teatru 'Euria', de la compañía vasca Markeliñe, que recibe'l premiu al Meyor Espectáculu na XXVI Feria Europea d'Artes Escnénicas (FETEN). Esi mesmu añu edita, amás de Euria, otros cinco trabayos discográficos: Señardá, Music for a drama, Blue, Breathe y Euphoria, y compón la banda sonora de la obra de danza Retales, de la compañía asturiana Hixénicu papel teatru.

En 2018, la supervisora musical Susan Jacobs escueye la tema de pianu Piensu, depués esistes pa formar parte de la banda sonora de la serie Sharp Objects de HBO, dirixida por Jean-Marc Vallée y protagonizada por Amy Adams.

Discografía editar

2019: Reuse
2019: Serendipia
2019: Contemporary piano classics vol.2
2018: Invisible
2017: Euphoria
2017: Blue
2017: Music for a drama
2017: Nostalgia
2017: Euria
2016: Piano songs 2
2016: Twilight
2016: Contemporary piano classics vol.1
2016: Piano songs
2015: One step ahead (Banda sonora original)
2015: Todo el tiempo del mundo (Banda sonora original)
2014: Life itself
2014: Piano movie themes
2012: Vals
2012: El umbral de las emociones

Música pa cine y televisión editar

2018: Sharp Objects - Episode 2 'Pienso, luego existes' (TV series)
2017: Aquí sin paraíso (serie de televisión)
2016: Detectives (serie de televisión)
2016: El signo de Caronte (llargumetraxe)
2015: One step ahead (curtiumetraxe)
2015: Todo el tiempo del mundo (llargumetraxe)
2014: Aquí mi paraíso (serie de televisión)
2014: Aquí el paraíso (serie de televisión)
2013: Inazuma Eleven Go - opening (serie de televisión)
2011: Hablando de crímenes (programa TV)
2011: Asesinos en serie (programa TV)
2011: Desafío Ben 10 (programa TV)
2010: Jaque (curtiumetraxe)

Referencies editar

Enllaces esternos editar

Páxina oficial

Mario Viñuela na Internet Movie Database (n'inglés)