La milla ye una unidá de llonxitú que nun forma parte del sistema métricu. D'orixe mui antiguu, na Roma antigua valía mil pares de pasos caminaos por un home. (En llatín mille passus; plural: milia passuum). Como los pasos yeren dubles, la milla romana yera aproximadamente igual a 1.467 m, poro, un pasu cenciellu yera d'unos 73 cm.

Milla
unidá de llonxitú y unidá de midida inglesa
Cambiar los datos en Wikidata

Enantes d'afitase el Sistema Métricu Decimal, la milla foi una de les principales midides de distancia en tol mundu, pero'l so valor cimblaba d'un país a otru. Cola introducción del sistema métricu, los países llatinos y otros munchos entamaron a usar el Metru y los sos múltiplos pa midir les distancies terrestres, y anguaño úsase per toles centies, sacante los países anglosaxones y los del so ámbitu d'influyencia, au entá usen la milla.

Anguaño, hai 2 tipos xenerales de milles: Estatutaria (de la que s'empleguen güéi dos subtipos) y Náutica

Milla estatutaria editar

Anguaño hai dos milles estatutaries con desemeyances cuasi nimies.

Milla internacional editar

Nomada cenciellamente milla, entá s'usa nos países anglosaxones y equival esautamente a 1.609,344 m. N'inglés denómase statute mile.

Milla d'agrimensura editar

Nomada survey mile n'inglés. Úsase pol Sistema Públicu d'Agrimensura de Tierres nos Estaos Xuníos. Equival a 5.280 pies d'agrimensura, aproximadamente 1.609 m.

Milla náutica editar

Introdúxose na náutica fai sieglos, y adoutóse con llixeres variaciones en tolos países occidentales. El so valor ye de 1.852 m.

Referencies editar

Enllaces esternos editar


Unidaes de llonxitú
Múltiplos y submúltiplos del metru
yotámetru | zetámetru | exámetru | petámetru | terámetru | xigámetru | megámetru | miriámetru | quilómetru | hectómetru | decámetru | metru | decímetru | centímetru | milímetru | micrómetru | nanómetru | picómetru | femtómetru | atómetru | zeptómetru | yoctómetru

Otres unidaes de llonxitú
añu lluz | unidá astronómica | pársec | quilopársec | megapársec | xigapársec | ángstrom
deu | cotu | palmu | coldu | vara | estadiu
llegua | milla | furlong | yarda | pie | pulgada | mil
Sistemes de midida
Sistema internacional | Sistema métricu decimal | Sistema ceguesimal | Sistema téunicu | Sistema anglosaxón | Sistema xaponés