Ophiuchus
Ophiuchus (el serpentariu, el que lleva la sierpe; o Ofiucu) ye una de les trelce constelaciones del zodiacu, magar que ye la única que nun tien asociáu nengún signu zodiacal; asina mesmo ye una de les 48 orixinaries que noma Ptoloméu. El cuerpu del serpentariu dixebra la constelación en dos, Serpens Caput y Serpens Cauda, dambes consideraes davezu como una sola constelación.
Ophiuchus | ||
---|---|---|
| ||
Nomenclatura | ||
Nome n'asturianu | Ophiuchus | |
Nome en llatín | Ophiuchus | |
Xenitivu | Ophiuchi | |
Abreviatura | Oph | |
Descripción | ||
Superficie |
948,3 graos cuadraos 2,299 % (posición 11) | |
Ascensión reuta |
Ente 16 h 1,55 m y 18 h 45,83 m | |
Declinación | Ente -30,21° y 14,39° | |
Visibilidá |
Completa: Ente 75° S y 59° N Parcial: Ente 59° N y 90° N | |
Númberu d'estrelles | 174 (mv < 6,5) | |
Estrella más brillante | Ras Alhague (α Ophiuchi) (mv 2,1) | |
Lluvies de meteoros | ||
Meyor mes pa ver la constelación Hora llocal: 21:00 | ||
Mes | xunetu | |
[editar datos en Wikidata] |
Carauterístiques editar
Les estrelles más rellumantes d'Ophiuchus son α Ophiuchi, Ras Alhague y λ Ophiuchi, que ye una estrella triple. Nesta constelación allúgase la Estrella de Barnard, una de les cuatro estrelles más averaes al nuesu sol.
Oxetos nel cielu fondu editar
Ophiuchus contién numberosos enxemes estelares como IC 4665, NGC 6633, M9, M10, M12, M14, M19, M62, M107, y la nebulosa IC 4603-4604. Tamién ta nesta constelación la rara galaxa doble NGC 6240.
Historia editar
Esta constelación, de posible orixe exipcianu, ye conocida dende antiguu, y ye una de les 48 constelaciones mentaes por Ptoloméu; hasta los romanos nomáronla Serpentarius. L'españíu d'una supernova'l 10 d' ochobre de 1604 averada a θ Ophiuchi, fizo que, tres columbrala, Johannes Kepler espublizara los resultaos na so obra De stella nova in pede Serpentarii. Galileo emplegó esta curtia aparición como prueba escontra l'aristotélicu de la inmutabilidá del cielu.
Mitoloxía editar
Esta constelación ta presente como representación d'Asclepiu, fíu d'Apolu, que foi mélicu de tala bondá y de gran esperiencia, qu'a la so muerte Zeus decidió concede-y l'honor de tar nos cielos so la constelación d'Ophiuchus. Amás la sierpe en munches cultures ye la representación de la melecina, como por exemplu anguaño simbolizamos esta ciencia (y tamién la farmacéutica) col caducéu
Astroloxía editar
Al igual que les otres dolce constelaciones, Ophiuchus, ta na eclíptica y por embargu nun-y correspuende nenguna de les estayes d'igual tamañu nes que se divide'l cielu, por tanto ye la única que nun tien asociáu un signu astrolóxicu.
Astronomía | Constelaciones del Zodiacu | Astroloxía |
Aries | Tauru | Xéminis | Cáncer | Lleo | Virgu | Llibra | | Escorpión | Ophiuchus | Saxitariu | Capricorniu | Acuariu | Piscis |
Referencies editar
Enllaces esternos editar
- Wikimedia Commons tien conteníu multimedia tocante a Ophiuchus.