Ríu Shing Mun
El ríu Shing Mun (en chinu 城門河; en cantonés [sɪŋ11 mʊn11 hɔ11]; en jyutping sing4 mun4 ho4; en mandarín pinyin Chéng Mén Hé), o canal del ríu Shing Mun, ye un ríu allugáu en Sha Tin, Ḥong Kong (China).
| Ríu Shing Mun | |
|---|---|
 | |
| Situación | |
| País |  República Popular China |
| Rexón alministrativa especial |  Ḥong Kong |
Distrito (es)  | Sha Tin (es) |
| Tipu | ríu |
| Coordenaes | 22°23′05″N 114°11′48″E / 22.384781°N 114.196529°E |
  Ríu Shing Mun Ríu Shing Mun (República Popular China) | |
| Datos | |
| Llonxitú | 7 km |
 | |
Historia editar
El ríu Shing Mun orixinal emprimaba en Needle Hill, y pasaba per Sha Tin Hoi, una badía poco fonda. Nos años 70 Sha Tin Hoi foi reclamada y convertida nuna nueva ciudá, el ríu Shing Mun espardíase al traviés d'una canal artificial de 7 km de llargo por 200 m d'ancho metanes del área que fluyía hasta Puertu Tolo. Otros ríos qu'empobinaben haza Sha Tin Hoi agora son afluentes del ríu Shing Mun, o van per dalgún de los sos nullah.
La canal del ríu Shing Mun va dende l'área de Tai Wai area, al traviés del centru de la ciudá de Sha Tin, hasta'l Puertu Tolo. Tien tres afluentes principales: Tai Wai Nullah, Fo Tan Nullah y Siu Lek Yuen Nullah. A lo llargo'l ríu Shing Mun hai edificios residenciales, comerciales y industriales de gran altor con abondosos desenrollos poblacionales al rodiu d'ellos. Construyéronse delles pontes pa coneutar les dos rives del ríu Shing Mun.
Problemes de polución editar
El ríu Shing Mun River tuvo fondamente contamináu un tiempu pol mor de los vertíos indiscriminaos agrícoles, domésticos, industriales y comerciales. La contaminación orgánica total d'estos vertíos algamó la d'una población equivalente a 160.000 habitantes nos años 80. Daquella, adulces había criatura viviente dala nel ríu.
La calidá de l'agua del ríu Shing Mun ameyoró bultablemente dende 1993. Les formes de vida, amestando los pexes y invertebraos, reapaecieron nel ríu.
Construyóse un bancu artificial nel ríu nuna seición de 250 metros cerca de Man Lai Court, onde había un relativamente grave acúmulu de sedimentos y problemes d'arrecendor.
Usu actual editar
Magar que'l ríu Shing Mun foi diseñáu primermente pa la canalización de l'agua de lluvia dende Sha Tin, con una área d'algame de 37 km², tamién ye un llugar afayadicu p'actividaes d'ociu como remu, pesca, paséu y ciclismu.
El ríu Shing Mun ye un llugar afechiscu pa deportes acuáticos como'l remu, piragüismu, kayak y carresres de barcu dragón. Hai dos astilleros nel ríu Shing Mun, allugaos en Yuen Wo Rd y Shek Mun separately. El ríu Shing Mun tien l'estándar de 2.000 m de llargo pa regates.
Wikimedia Commons tien conteníu multimedia tocante a ríu Shing Mun.
Referencies editar
Enllaces esternos editar
- EPD - Meyores del ríu Shing Mun (n'inglés)
Datos: Q15274- Multimedia: Shing Mun River
