Los reptiles (Reptilia) son un grupu de vertebraos amniotes provistos d'escames epidérmiques de queratina. Foron bien abondosos nel Mesozoicu, dómina na que surdieron los dinosaurios, pterosaurios, ictiosaurios, plesiosaurios y mosasaurios. Según la taxonomía tradicional los reptiles son consideraos una clase; según la sistemática cladística, son un grupu parafiléticu ensin valor taxonómicu ya que escluye a sos descendientes les aves y mamiferos. Dellos autores propunxeron correxir esta clasificación incluyendo a les aves y escluyendo los sinápsidos. Propunxérase'l nome sauropsida pa esta división, sicasí munchu autores prefieren caltener el términu Reptilia pero usando la clasificación similar a la de sauropsida.

Reptilia
Rangu temporal: 310 Ma-0 Ma
Clasificación científica
Reinu: Animalia
Filu: Chordata
Subfilu: Vertebrata
Clas: Reptilia
Laurenti, 1768
Grupos existentes
Sinonimia
  • Sauropsida, Goodrich, 1916
  • Consultes
    [editar datos en Wikidata]

    Oríxenes evolutivos editar

    Los reptiles orixináronse a partir d'anfibios nel periodu Permianu, diversificándose mientres el Triásicu, Xurásicu y Cretácicu. A finales d'esti periodu sumieron casi por completu dellos grupos na gran estinción masiva del Cretácicu Terciariu, hai unos 65 millones d'años.

    Taxonomía editar

    Filoxenia editar

    En cuanto a la filoxenia interna de los reptiles, si solo tiénense en cuenta les formes actuales, queda como sigue:

    Reptilia


    Anapsida 


    Diapsida

    Lepidosauria


    Sphenodontia  



    Squamata  



    Archelosauria


    Testudines  


    Archosauria


    Crocodilia  



    Dinosauria  






    Clasificación editar

    Los reptiles inclúin un gran númberu d'ordes extintos y unos pocos esistentes.

    Carauterístiques editar

     
    Dinosaurios.

    La mayoría de los reptiles afixéronse a la vida terrestre , pero finalmente afayamos que dalgunos viven n'agua. Una piel resistente y escamoso ye una de les sos adautaciones. Otres de les adautaciones que contribuyeron al ésitu de los reptiles en tierra firme son, ente otres, qu'inclúin pulmones bien desenvueltos, un sistema circulatoriu de doble circuitu, un sistema excretor que caltién l'agua, fuertes estremidaes, fertilización interna y güevos terrestres con cascarón. Amás los reptiles pueden remanar la so temperatura corporal camudando de llugar.[1]

    Control de temperatura corporal editar

    La capacidá pa controlar la so temperatura corporal ye una enorme ventaya pa los animales activos. Los animales de los que falemos hasta agora son ectotérmicos. Los ectotérmicos utilicen la conducta pa controlar la temperatura del cuerpu. Pa calecer, tiéndense baxo'l sol tol día o permanecen so l'agua mientres la nueche. Pa esfrecese, muévense escontra la solombra, naden, o abellúguense en llurigues soterrañes.[1]

    Alimentación editar

     
    Culiebra.

    La gran mayoría de los reptiles son carnívoros y tienen un tractu dixestivu cenciellu y curtiu, una y bones la carne ye abondo simple pa descomponer y dixerir. La dixestión ye más lenta que nos mamíferos, lo que reflexa'l so lentu metabolismu mientres el reposu y la so incapacidá pa estremar y mazcar los sos alimentos. Esti metabolismu tien requerimientos d'enerxía bien baxos, dexando que los grandes reptiles, como los cocodrilos y les grandes culiebres constrictores puedan vivir d'una comida grande per meses, dixiriendo amodo a una presa de gran tamañu.

    Los reptiles herbívoros sicasí, tienen los mesmos problemes de masticación de los mamíferos herbívoros, pero, a falta de los dientes complexos que tienen éstos últimos, los reptiles traguen roques y piedres (denomaos gastrolitos) pa facilitar la dixestión: les roques llávense nel estómagu, ayudando a moler la materia vexetal. Les tortugues marines, cocodrilos ya iguanes marines tamién usen los gastrolitos como llastre, lo que sírve-yos d'ayuda pa la inmersión.

    Respiración editar

    Los pulmones de los reptiles son esponxosos y tienen mayor superficie pa intercambiu de gases que los anfibios. Estos ye porque la mayoría de los reptiles nun puede intercambiar gases al traviés de la piel, como fai la mayoría de los anfibios de piel húmedo. Munchos reptiles tienen músculos qu'arrodien les costielles y espanden el cuévanu torácicu pa esneldar, o colapsen el cuévanu pa exhalar. Delles especies de cocodrilos tamién tienen repliegues cutaneos que dixebren la boca de los conductos nasales, asina alienden poles foses nasales mentanto tienen la boca abierta. Pa intercambiar gases col mediu ambiente, los reptiles tienen dos pulmones funcionales o bien, nel casu de ciertes especies de culiebres namái ún.[1]

    Circulación editar

    Los reptiles tienen un eficaz sistema circulatoriu de doble circuitu. Una de les víes lleva y recueye sangre de los pulmones. La otra vía lleva y recueye sangre del restu del cuerpu. El corazón de los reptiles contién dos aurícules y ún o dos ventrículos. La mayoría de los reptiles tienen un ventrículu únicu con un septu parcial: dexa dixebrar el sangre oxixenáu del sangre ensin oxixenar mientres el ciclu de bombéu. Los cocodrilos y caimanes tienen los corazones meyor desenvueltos ente los reptiles modernos, pos tiénenlu compuestu de dos aurícules y dos ventrículos. Esta conformanza tamién esiste n'aves y mamíferos.[1]

    Escreción editar

    La orina produzse nos reñones, en dellos reptiles, la orina flúi al traviés d'unos tubos direutamente escontra una cloaca asemeyada a la de los anfibios. N'otros casos, la vexiga urinaria almacena la orina enantes de mexala pela cloaca. La orina de los reptiles contién amoniacu o ácidu úricu. Los reptiles que viven principalmente nel agua, como los cocodrilos y caimanes, escreten la mayor parte de les sos refugayes nitroxenaes en forma d'amoniacu, un compuestu tóxicu. Los caimanes y cocodrilos beben muncha agua, y esto esllía l'amoniacu de la orina y ayuda a espulsalo. En contraste, munchos otros reptiles, sobremanera los que viven puramente en tierra firme, nun escreten amoniacu direutamente. En cuenta de ellos convierten l'amoniacu nun compuestu llamáu ácidu úricu. L'ácidu úricu ye muncho menos tóxicu que l'amoniacu, asina que nun fai falta eslleílo enforma. Nestos reptiles, l'escesu d'agua absuérbese na cloaca y convierte la orina en cristales d'ácidu úricu que formen un sólidu blanco y pastoso. Como desanicien refugayes que contienen pocu líquidu, los reptiles pueden caltener agua.[1]

    Rempuesta editar

    El patrón básicu del encéfalu d'un reptil ye asemeyáu al d'un anfibiu, anque'l celebru y el cerebelu son considerablemente más grandes comparaos col restu de la masa encefálico. Los reptiles que son activos mientres el día, suelen tener güeyos complexos y pueden percibir bien los colores. Munches culiebres tienen tamién un escelente sentíu del olfatu. Arriendes de les foses nasales, la mayoría de los reptiles tien un par d'órganos sensoriales nel cielu la boca, que pueden detectar la presencia de sustancies químiques cuando'l reptil saca la llingua. Los reptiles tienen oyíos simples con tímpanu esternu y un güesu únicu que conduz el soníu al oyíu internu. Les culiebres tamién pueden captar vibraciones del suelu per duana de los güesos del craniu.[1]

    Movimientu editar

    En comparanza con munchos anfibios, los reptiles con pates tienden a tener estremidaes más grandes y fuertes que-yos dexen caminar, correr, escavar, nadar o engatar. Amás, les pates de dellos reptiles tán más per debaxo del cuerpu que nos anfibios, lo que-yos dexa cargar más pesos. Igual que nos anfibios, l'escayu dorsal de los reptiles ayuda a realizar gran parte del movimientu.[1]

    Reproducción editar

    Tolos reptiles reprodúcense por fertilización interna, onde'l machu deposita la so espelma nel interior del cuerpu de la fema. Casi tolos reptiles machos tienen un órganu asemeyáu al pene que-yos dexa depositar la espelma nel cuerpu de la fema. Dempués de la fecundación, l'aparatu reproductivu de la fema cubre a los embriones con delles membranes y un cascarón correosu.

    Llonxevidá editar

     
    Henry, el tuátara más llonxevu (111 años), que pue inda reproducise.

    La edá de les reptiles, como en tolos grupos animales, ye variada. Dellos llagartos pequeños nun viven muncho más d'un añu, pero les boes y pitones grandes algamen los 30 años, los dragones de Komodo lleguen a los 40 años y los tuátaras puen llegar al sieglu de vida. Les tortúes son famoses pola so llonxevidá, una y bones dalgunes casi vivieron 2 sieglos. Les aves tamién varien enforma en llonxevidá, con máximos de 70 o 80 años pa cuervos y loros. La llonxevidá depende de dos factores: el tamañu (de normal, cuanto más grande sía l'animal, más vivi) y el metabolismu (cuantimenos activu sía l'animal, más vivi). Los especímenes en cautividá de normal algamen más edá que los xabaces. Dellos reptiles llonxevos son famosos pola so edá. Ye'l casu de Henry, el tuátara más llonxevu del mundu (anguaño atópase nun muséu en Invercargill, en Nueva Zelanda), Solitariu Jorge (postreru exemplar de la so subespecie, con un futuru pocu prometedor), la finada tortúa Harriet (que llegó a los 175 años) y la tortúa más llonxeva de tolos tiempos, El to'i Malila, que morrió a los 192 años en 1965.

    Caltenimientu editar

    Anguaño, los reptiles (con o ensin cuntar coles aves) son unu de los grupos más amenaciaos de tolos vertebraos. Les causes poles que sumen les especies son les mesmes que n'otros grupos: fragmentación d'hábitat, caza furtiva, esplotación escesiva, contaminación, depredación por especies alóctonas, etc. Munches tortúes muerren atropellaes o prindaes pal so usu na cocina y medicina tradicional. Tamién sumen pola caza, el comerciu de mascotes y la fragmentación del hábitat. Les tortúes marines cacense pola so carne y cascu, y muerren por inxerir bolses de plásticu. Tocantes a llagartos, los más amenaciaos son les especies insulares: dragones de Komodo, iguanes del Caribe y les Fidji, los escincos y gecos xigantes..., y la so mayor amenaza ye, amás de la fragmentación del hábitat, les especies alóctonas. Tocantes a les culiebres, tamién tán n'amenaza pol comerciu de la so piel. La caza ye la mayor amenaza pa los cocodrilos y caimanes. El principal problema de los tuátaras ye la cantidá d'especies alóctonas introducíes. Tocantes a les aves, munches muerren pola caza, les especies introducíes, el comerciu illegal, la contaminación, etc.

    Sicasí, tolos reptiles, menos les aves, tienen poca proteición. El problema ta na imaxe popular d'esti grupu. Les organizaciones ecoloxistes nun adopten especies emblemátiques, y munches vegaes protexer a les especies d'esti grupu pa salvar a otres. El mieu que infunden estos animales en munches persones recái negativamente nel so caltenimientu. Les aves son otru casu distintu y otorgarles más proteición.

    Según la UICN, en 2009 el 28% de reptiles non aves y el 12% d'aves tán en peligru d'estinción. Anguaño hai 1667 reptiles non aves en peligru d'estinción, y más de 1230 aves na mesma situación.[2][3]

    Referencies editar

    1. 1,0 1,1 1,2 1,3 1,4 1,5 1,6 Miller, Kenneth (2004). «19», Biología (en castellanu). Massachusetts: Prentice Hall, páx. 800-802. ISBN 0-13-115538-5.(castellán)
    2. «La crisis de estinción de especies continúa a ritmo acelerao – UICN». International Union for Conservation of Nature. 3 de payares de 2009. Consultáu'l 19 d'avientu de 2009. 
    3. «Lista Roja de aves del 2008: impacto del cambio climático en la nueva evaluación». BirdLife International. 19 de mayu de 2008. Consultáu'l 19 d'avientu de 2009. 

    Enllaces esternos editar