Sant Esteve de les Roures
Sant Esteve de les Roures (por Sant Esteve SesRovires) ye un pueblu imaxinariu, creáu por error pola Guardia Civil l'añu 2018,[2] quiciabes con orixe na semeyanza con Sant Esteve Sesrovires,[3]qu'en pocos díes convirtióse nun fenomenu viral n'internet.[4]
 Sant Esteve de les Roures | |||
|---|---|---|---|
| |||
| Alministración | |||
| País |  España | ||
| Autonomía |  Cataluña | ||
| Tipu d'entidá | fenómenu d'internet | ||
| Xentiliciu | |||
 | |||
Después del referendu del 1 d'ochobre y les eleiciones del 21-D, la Guardia Civil unvió al xuez del Tribunal Supremu, Pablo Llarena, un informe con 315 actos de supuesta violencia o agresión contra los cuerpos policiales españoles en Cataluña.[5] Según esti informe, al que tuvo accesu el diariu madrilanu El Mundo, los episodios más violentos asocedieron en Sant Esteve de les Roures, un pueblu inesistente y especifica que:
unu de los manifestantes que yá atacara a otros axentes, aprovechó la caída d'unu d'ellos, que quedó totalmente indefensu, pa da-y una brutal patada na la zona posterior de la tiesta. N'aquel mesmu llugar, el conductor d'una motocicleta tentó atropellar un policía y roba-y l'arma reglamentaria.
Esti casu comparóse col asocedíu nel inesistente pueblu d'Arralde, nel País Vascu, onde'l xuez Baltasar Garzón ordenó a les fuercies policiales torgar un actu en favor de los presos políticos vascos.[6]
El fechu de qu'un pueblu inesistente constara nun informe oficial de la Guardia Civil ocasionó bromes en delles redes sociales, inclusive creándose perfiles parodiando alministraciones, partíos políticos y organizaciones del pueblu, tales como'l conceyu, la universidá[7] o la mesma Guardia Civil. El mes d'abril, el perfil oficial de la Guardia Civil en Twitter retrucó al perfil que parodiaba al Conceyu de Sant Esteve de les Roures echándo-y en cara la falta d'imparcialidá nun mensaxe.[8][9]
N'abril de 2018, el pueblu ficticiu yá contaba con una ochentena d'organizaciones en Twitter.[10]
Referencies editar
- ↑ Dinarès, Mariola. Catalunya Ràdio - Popap. http://www.ccma.cat/catradio/alacarta/popap/entrevista-en-exclusiva-a-lalcalde-de-sant-esteve-de-les-roures/audio/999662/. (en catalán)
- ↑ Sant Esteve de les Roures, el pueblo que solo existe en internet. https://www.elperiodico.com/es/extra/20180418/sant-esteve-roures-internet-6767081. (en castellanu)
- ↑ https://pressreader.com/spain/la-vanguardia-català/20180422/281913068712269
- ↑ Humor independentista con Sant Esteve de les Roures. https://ultimahora.es/noticias/nacional/2018/04/19/994609/humor-independentista-sant-esteve-les-roures.html. (en castellanu)
- ↑ La Guàrdia Civil s'inventa un poble per intentar justificar la violència a Catalunya. https://www.naciodigital.cat/noticia/151576/guardia/civil/inventa/poble/intentar/justificar/violencia/catalunya. (en catalán)
- ↑ Sant Esteve de les Roures, el Arralde catalán, cabrea a la Guardia Civil y divierte a las redes. https://www.naiz.eus/eu/info_naizplus/20180417/sant-esteve-dels-roures-el-arralde-catalan-enoja-a-la-guardia-civil-y-divierte-a-las-redes. (en castellanu)
- ↑ Sant Esteve de les Roures ja té Universitat. http://www.directe.cat/noticia/751233/sant-esteve-de-les-roures-ja-te-universitat. (en catalán)
- ↑ La Guàrdia Civil i Sant Esteve de les Roures: un diàleg impossible. http://www.ccma.cat/324/la-guardia-civil-i-sant-esteve-de-les-roures-un-dialeg-impossible/noticia/2850164/. (en catalán)
- ↑ La Guàrdia Civil cau al seu propi parany i interactua amb Sant Esteve de les Roures, un poble fictici. https://www.vilaweb.cat/noticies/la-guardia-civil-cau-al-seu-propi-parany-i-interactua-amb-sant-esteve-de-les-roures-un-poble-fictici/. (en catalán)
- ↑ Sant Esteve de les Roures o com l'invent de la Guàrdia Civil s'ha convertit en un fenomen a la xarxa. https://www.naciodigital.cat/noticia/153000/sant/esteve/roures/invent/guardia/civil/convertit/fenomen/xarxa. (en catalán)
Datos: Q51162007
