Denómase sexismu o xenerismu a la discriminación de persones d'un sexu en contraposición al otru.[1]

Sexismu
Discriminación, Prexuiciu y actitud (es) Traducir
Cambiar los datos en Wikidata

Xeneralización y clasificación editar

El sexismu pue xeneralizase como un subtipu d'esencialismu y pue particionase como formáu por sexismu escontra'l sexu femenín, escontra'l sexu masculín, escontra los intersexuales (hermafrodites y pseudohermafrodites) y escontra los transexuales (masculinos y femeninos). Cada tipu de sexismu tien la so propia historia y forma d'intolerancia.

Les creencies sexistes, como una especie d'esencialismu, sostienen que los individuos puen entendese o xulgase basándose a cencielles nes carauterístiques del grupu al que pertenecen: nesti casu, al so grupu sexual, masculín o femenín. Esto asume que tolos individuos «encaxen» na categoría de «masculinos» o «femeninos» y nun tien en cuenta a les persones intersexuales que nacen con carauterístiques sexuales de dambos grupos. Tamién asume carauterístiques homoxénees pa tolos varones del grupu masculín» y toles muyeres del femenín», ensin tener en cuenta les enormes diferencies que puedan dase dientro d'ellos. Hai tamién varones XX y muyeres XY que son xenéticamente d'un sexu pero desenvolvieron les carauterístiques sexuales del otru na etapa fetal.

Ciertes formes de discriminación sexual son illegales en munchos países, pero casi toos tienen lleis que dean derechos, privilexos o responsabilidaes especiales a ún o otru sexu.

Referencies editar

  1. Janet Shibley Hyde (1991). «Psicoloxía de la muyer, la otra metá de la esperiencia humana». Consultáu'l 14 d'abril editorial=Heath and Company de 2011.