Wikipedia

Sociedá Española pal Procesamientu del Llinguaxe Natural

La Sociedá Española pal Procesamientu del Llinguaxe Natural (SEPLN) ye una asociación científica ensin ánimu d'arriquicimientu que fai les sos actividaes nel área de procesamientu del llinguaxe natural desque foi creada en 1983.[1][2] La profesora Felisa Verdejo, entós profesora de la Facultá d'Informática na Universidá del País Vascu foi una de les sos socies fundadores y primer presidenta de la sociedá.

Sociedá Española pal Procesamientu del Llinguaxe Natural
sociedá científica, editorial y editor d'accesu abiertu
Direición España
Historia
Fundación1983
Web oficial
Cambiar los datos en Wikidata

Les sos dos actividaes principales son la celebración añal d'un congresu internacional sobre procesamientu del llinguaxe natural y la publicación cada seis meses de la revista científica Procesamiento del Lenguaje Natural. Dambes actividaes fueron la grana pa la creación d'una comunidá investigadora internacional, especialmente llocalizada na península ibérica y en Llatinoamérica, qu'afala'l tratamientu automáticu del llinguaxe natural,y n'especial la llingua española y les otres llingües de la península ibérica.

Congresu editar

El congresu de la Sociedá Española pal Procesamientu del Llinguaxe Natural celébrase añalmente dende 1983. Los artículos presentaos fueron evaluaos de forma anónima pelo menos por 3 espertos de l'área del procesamientu del llinguaxe natural. Nel 2023 celebróse en Xaén.[3]

Revista científica Procesamiento del Lenguaje Natural editar

 
Portada de la revista Procesamiento del Lenguaje Natural

La sociedá edita la revista científica Procesamiento del Lenguaje Natural dende 1983 con dos númberos cada añu (en marzu y setiembre).[4]

En 2022 tenía un indicador SNIP (Source Normalized Impact per Paper), de Jornal Indicators, de 0,93 y un SJR (de SCImago Journal Rankings) de 0,421 y una posición nel cuartil 3ᵘ n'aplicaciones informátiques y nel cuartil 1.u en llinguaxe y llingüística.[5][6]

L'ISSN de la so edición en papel ye 1135-5948. El ISSN de la so edición electrónica ye 1989-7553.

Construyendo una comunidá alredor de la tecnoloxía de la llingua editar

La sociedá SEPLN construyó una comunidá alredor de la Tecnoloxía de la Llingua con grupos d'investigación que trabayen col castellanu, l'eusquera, el catalán y el gallegu. Esta comunidá ye un referente n'América Llatina y nel mundu, sobre manera porque creó modelos pa procesar con ésitu'l castellán y llingües minoritaries.[7]

 
Recursos tecnolóxicos para 43 llingües europees en 2022.[8]

El desenvolvimientu coordináu de tecnoloxía pa castellanu, eusquera, catalán, gallegu, asturianu y aragonés per parte d'esta comunidá benefició a estes llingües en conxuntu. Asina, la influyencia de l'actividá de la SEPLN déxase notar nel informe qu'analizó la situación de les llingües europees na tecnoloxía llingüística en 2022. Per un llau, l'español yera una de los cuatro con más recursos ente les llingües oficiales, por detrás del inglés, lóxicamente, a nivel del alemán y francés; y per otru, el catalán, l'eusquera y el gallegu yeren les meyor asitiaes ente les llingües non oficiales, xunto col galés, y taben en meyor situación que dalgunes de les llingües oficiales o nacionales (meyor que'l gaélicu d'Irlanda y el maltés). Puede dicise que probablemente esto foi a cuenta de que la tecnoloxía y los recursos pa esta llingua desenvolviéronse mientres munchos años en foros como la SEPLN, nos que'l desenvolvimientu sincronizáu de tecnoloxía pa estes llingües sirvió de beneficiu mutuu.[8]

European Language Grid (ELG, 14-09-2023) Catálogu de recursos por llingua
Llingua # Productos Referencia (ELG)
Inglés 6192 [9]
Español 2540 [10]
Alemán 2382 [11]
Francés 2120 [12]
Catalán 641 [13]
Vascu 353 [14]
Gallegu 262 [15]
Aragonés 30 [16]
Asturianu 21 [17]

Presidentes editar

 
Mesa redonda colos presidentes de la SEPLN nel so 25 aniversariu.

Los presidentes que rixeron esta sociedá dende l'añu de la so creación fueron los siguientes:

Años Presidente o presidenta
2007- L. Alfonso Ureña
1996-2007 Manuel Palombar
1990-1996 Maria Antònia Martí
1984-1990 Felisa Verdejo
1983-1984 Luis Sopeña

Premios SEPLN editar

La Sociedá Española pal Procesamientu del Llinguaxe Natural concede añalmente'l Premiu SEPLN a la investigación en procesamientu del llinguaxe natural. La finalidá del premiu ye la promoción y divulgación de la investigación nel campu de les tecnoloxíes del llinguaxe humanu. En 2018 otorgóse y entregóse la XVII edición del premiu.

Referencies editar

  1. ↑ «SEPLN | Sociedad Científica Informática de España» (castellanu). Consultáu'l 11 de xineru de 2019.
  2. ↑ «Sociedad Española para el Procesamiento del Lenguaje Natural | Portal del Hispanismo». hispanismo.cervantes.es. Consultáu'l 11 de xineru de 2019.
  3. ↑ «SEPLN 2023 - XXXIX CONGRESO INTERNACIONAL DE LA SOCIEDAD ESPAÑOLA PARA EL PROCESAMIENTO DEL LENGUAJE NATURAL». Consultáu'l 29 d'agostu de 2023.
  4. ↑ «Procesamiento del Lenguaje Natural». journal.sepln.org. Consultáu'l 22 de febreru de 2019.
  5. ↑ «Indice de calidad SNIP (Source Normalized Impact per Paper) para la revista SEPLN».
  6. ↑ «Procesamiento de Lenguaje Natural». www.scimagojr.com. Consultáu'l 13 de xineru de 2019.
  7. ↑ Error de cita: La etiqueta <ref> nun ye válida; nun se conseñó testu pa les referencies nomaes :0
  8. ↑ 8,0 8,1 Rehm, Georg; Way, Andy (2023). Strategic Research, Innovation and Implementation Axenda for Dixital Language Equality in Europe by 2030 (n'inglés). Springer International Publishing, páx. 387–412. ISBN 978-3-031-28819-7. Consultáu'l 2023-09-16.
  9. ↑ «Productos n'inglés. European Language Grid» (inglés). Consultáu'l 16 de setiembre de 2023.
  10. ↑ «Productos n'español. European Language Grid» (inglés). Consultáu'l 16 de setiembre de 2023.
  11. ↑ «Productos n'alemán. European Language Grid» (inglés). Consultáu'l 16 de setiembre de 2023.
  12. ↑ «Productos en francés. European Language Grid» (inglés). Consultáu'l 16 de setiembre de 2023.
  13. ↑ «Productos en catalán. European Language Grid» (inglés). Consultáu'l 16 de setiembre de 2023.
  14. ↑ «Productos n'eusquera. European Language Grid» (inglés). Consultáu'l 16 de setiembre de 2023.
  15. ↑ «Productos en gallegu. European Language Grid» (inglés). Consultáu'l 16 de setiembre de 2023.
  16. ↑ «Productos n'aragonés. European Language Grid» (inglés). Consultáu'l 16 de setiembre de 2023.
  17. ↑ «Productos n'asturianu. European Language Grid» (inglés). Consultáu'l 16 de setiembre de 2023.

Enllaces esternos editar

Sacáu de «https://ast.wikipedia.org/w/index.php?title=Sociedá_Española_pal_Procesamientu_del_Llinguaxe_Natural&oldid=4065818»