The Beatles

banda de rock británica

The Beatles foi un grupu de música inglés, con raigañu pop y rock, xurdíu en Liverpool en 1957 y que se disolvió en 1970. El tamañu de la so influencia, na que ye perdifícil dixebrar lo musical de lo cultural, llegó a bien d'estayes de la sociedá del so tiempu..

The Beatles
Datos
Tipu grupu musical
Miembros John Lennon, Ringo Starr, Paul McCartney, George Harrison, Pete Best, Stuart Sutcliffe, Chas Newby y Tommy Moore
Xéneru rock, pop, hard rock, rock and roll, blues rock, música beat (es) Traducir, Folk rock, rock psicodélico (es) Traducir, música tradicional y Avant-rock
Sellu discográficu Apple Records
Capitol Records
Parlophone
United Artists Records
Vee-Jay Records
Polydor Records
Parlophon
I Dischi Dello Zodiaco
País Bandera del Reinu Xuníu Reinu Xuníu
Orixinarios de Liverpool
Fecha fundación 1960
Fecha disolución 10 abril 1970
Web oficial
Cambiar los datos en Wikidata

Aunque Lennon y McCartney fueron los principales compositores, Harrison y Starr ficieron valoratibles contribuciones al maurecimientu del grupu a traviés de los años. George Martin produxo tolos sos álbumes sacante'l de Let It Be, que foi producíu por Phil Spector.

Historia editar

La Dómina Prebeatle editar

Na segunda mitá de la década de 1950, John Lennon y los sos amigos Pete Shotton, Nigel Valley y Ivan Vaughan formaron un grupu de música al que llamaron The Quarrymen y al que, na fiesta parroquial de la ilesia de San Peter en Woolton del 6 de xunetu de 1957, se-y amestó Paul McCartney; al que siguió un poco más sero George Harrison, que yera amigo de Paul. The Quarrymen entamó a tocar en dellos locales de Liverpool, momentu nel que se-yos xunió el pintor Stuart Sutcliffe al que convencieron pa que se comprara un baxu colos beneficios d'una esposición de pintura. El nome del grupu diría camudando y asina tenemos Johnny and the Moondogs, Long John and Silver Beatles, The Silver Beatles, hasta optar finalmente pol de The Beatles.

Yeren autodidactes, influyíos pol rock'n'roll, (Chuck Berry, Buddy Holly, Elvis Presley, Little Richard, Gene Vincent en particular) y el blues negru americanu, toquen fragmento de los éxitos de rock del momentu d'oyíes, ensin partitura, escuchándolos na radio o nos discos.

El grupu de Liverpool entamó a garrar esperiencia escénica na ciudá de Hamburgu, Alemaña a onde llegaron n'agostu de 1960. Cola promesa de tocar regularmente nel club Kaiserkeller, dirixíu por Bruno Koschmider, Alan Williams envió a los Silver Beatles a Hamburgu. Foi enantes de la so marcha cuando al grupo se-y amestó Pete Best como batería, miembru que facía falta. Otru gran cambió foi'l cambiu del nome Silver Beatles por sólo Beatles.

Pero'l quintetu entró nuna completa desilusión. Nun taben tocando nel Kaiserkeller, sinón nun puercu y murniu llugar llamáu Indra Club. The Beatles tenía que tocar una gran cantidá d'hores y a cambiu Bruno apurría-yos un llugar onde vivir. Pasó'l tiempu y el contratu de The Beatles foi ampliáu, de manera que pasaron a tocar por fin nel Kaiserkeller. Pero nun duró muncho más la so rellación con Koschmider, yá qu'en acabando el so contratu pasaron a un nuev club llamáu Top Ten. Cuando Bruno s'enteró de la "traición" mandó-yos a la policía, qu'obligó a George a tornar a Liverpool debido a que nun tenía 18 años y faltaba-y documentación para trabayar. Una vez más el grupu de John atopaba una piedra nel camín.

Toos tornaron a Liverpool. Pero una vez que George cumplió 18 años, volvieron a Hamburgu a presentase nel club Top Ten. Durante la so segunda estancia en Hamburgu, depués d'una de les sos funciones, el grupu foi xabazmente atacáu por una pandilla de Teddy Boys, que-y provocaron a Sutcliffe un tumor cerebral, que foi, tiempu depués, el factor de la so muerte. The Beatles regresaron hacia los 60 a Liverpool, y Stu quedóse en Hamburgu con Astrid, una fotógrafa que conocidera allí. La formación de The Beatles quedó definitivamente afitada con John, Paul, George y Pete Best.

Cuando tornaron a la so ciudá natal yeren tan populares qu'un rapaz que taba encargáu de la seición de discos nun negociu familiar de venta de muebles y electrodomésticos (NEMS) foi a velos tocar. El rapaz yera Brian Epstein, que se convirtió nel so manager.

Los Beatles fueron rechazaos por munches compañíes de discos, como la Decca, que después contrataría a los Rolling Stones pa enmendar el so error. Foi George Martin, un mozu productor d'una subdivisión d'EMI, l'hasta entós impopular Parlophone la que los admitió pa grabar un primer discu, aunque cola condición de emplegar a un batería profesional, llugar que por entós ocupaba Pete Best. Debido a diferencies musicales y el supuestu desinterés de Best col grupu, los otros Beatles decidieron despedilu y reemplazalu por Ringo Starr (nacíu Richard Starkey) que los ayudaba cuando Best nun se sentía motiváu pa collaborar cola banda. El resultáu foi'l so primer single, Love Me Do, qu'algamó un buen puestu nes llistes de ventes pa ser un primer discu, pero que nun foi un númberu uno.

La Beatlemanía editar

Yá en 1963, Please, please me y poco depués From me to you y She loves you subiríen de nuevo a puestos d'honor nes llistes britániques. El so primer LP Please Please Me (1963), grabáu dafechu nun solu día, tuvo 29 selmanes nel númberu 1 y 61 selmanes nel top 10, batiendo'l récor de permanencia d'un discu no cimero del escalafón británicu. Depués siguieron con With The Beatles.

Lo qu'había que facer darréu, según Epstein, yera invadir el mercáu norteamericanu. Con gran anticipación publicitaria y con un nuevu senciellu baxo'l brazu, el popular I Want To Hold Your Hand, los Beatles llegaron a Estaos Xuníos el 7 de febreru de 1964, sólo unos meses depués del asesinatu del presidente John F. Kennedy. Algamaron el númberu 1 nos Estaos Xuníos xusto enantes de la xira americana de 1964, un país históricamente contrariu a los grupos británicos, batiendo récores d'audiencia nes sos actuaciones televisives (nel Show de Ed Sullivan) y vendiendo millones de discos.

Esti fenómenu foi denomináu Beatlemanía, especialmente porque les sos admiradores glayaben y bailaben al ritmu de les sos canciones.

Rodaron la so primer película A Hard Day’s Night consiguiendo buenes crítiques, comparándolos colos mesmísimos hermanos Marx. El discu de la banda sonora de la película A Hard Day’s Night y Beatles For Sale foi llanzáu en 1964.

En 1965 rodaríen otra película Help!, dando llugar al discu del mesmo títulu, nel que s'incluyía la canción Yesterday, titulada orixinalmente por McCartney "Scrambled eggs".

Tamién nel 65 editaríen otru discu nel que yá se veíen aires de cambiu na música, Rubber Soul. Nesti discu la música de los Beatles yá se veía más complexa de too lo anterior escuchao del grupu, grandes melodíes, más efeutos de soníu y unos Beatles que teníen un plus d'inspiración pola so entrada nel mundu de les drogues, quiciás esti factor permitió que'ellos tuvieren más llibertá na creación y esperimentación de la música y esti discu foi'l nexu ente la beatlemanía y la desinhibición musical que vemos na so siguiente dómina, quiciás la más bayurosa.

La evolución editar

Nel so siguiente álbum, Revolver, que sal al mercáu n'agostu de 1966 pue vese un trabayu ciclopeu de producción arropando melodíes y ritmos nuevos, frescos y vanguardistes. George Martin ficiérase perfechu cómpliz de les inquietúes del cuartetu y amoldóse a los nuevos paisaxes qu'ufiertaba la música de Revolver, paisaxes que diben de lo clasicista a lo iconoclasta, de lo simple a lo complexo, demostrándo a lo llargo de les sos múltiples tresformaciones la presencia d'un amigu poderosu y estremáu a tolo qu'enantes fuera materia primero pa la inspiración del grupu: el LSD, vieyu conocíu y recuerdu de les sos recientes xires per América, y presente yá, magar que de manera tímida en dellos pasaxes de "Rubber soul", yera aquí en Revolver el protagonista.

Pero, a pesar de tantos éxitos, el grupu tendría que facer frente a dellos escándalos, siendo'l más destacable'l producíu con motivu d'una entrevista de John Lennon na qu'afirmaba que «los Beatles yeren nesi momentu más famosos que Xesucristu» (en realidá lo que Lennon quisiera dicir yera qu'«El Cristianismu ta tan n'escayencia que Los Beatles son más famosos que Xesús»). Nuna montonera de países fanáticos relixosos entamaríen fogueres con discos y el grupu foi vetáu na radio.

Los Beatles abandonaron les xires definitivamente, depués de les agresiones de Filipines y les amenaces del Ku Klux Klan, siendo'l conciertu de San Francisco el día 29 d'agostu de 1966 l'ultimu de la so carrera. Depués d'esto'l grupu dedicaríase a aselar y a preparar el so siguiente discu (Sgt. Pepper's Lonely Hearts club Band).

A finales de 1966, asoléyase un álbum recopilatoriu de Parlophone llamáu A Collection of Beatles' Oldies, nel que s'inxeren los éxitos antiguos, incluyendo un tema inéditu del rockeru Larry Williams Bad Boy, de la dómina del Cavern Club.

El 1 de xunu de 1967 llanzaron la so obra más innovadora, Sgt. Pepper's Lonely Hearts Club Band, un LP que marcaría el nacimientu de la música psicodélica y que supuso un rotundu éxitu mundial, algamando'l númberu uno simultáneamente nes llistes britániques y d'Estaos Xuníos. La memorable portada foi fecha por Peter Blake, nella apaecen los cuatro beatles murnios del muséu de cera de Madame Tussaud paecen asistir al so propiu funeral, mientres que los cuatro verdaderos beatles, convertíos en músicos de fanfarria bigotudos, asemeyen tener cambiao d'identidá y una muñeca anuncia «Welcome the Rolling Stones». Esta tapa fizo que la EMI duldara polos problemes que-yos podría traer yá que nesti collage taben casi cien cares de famosos, y la compañía nun quería tener conflictos xudiciales, polo que s'eliminaron les imáxenes de Ghandi y de Xesucristu pa nun xenerar conflictos tanto na India como na comunidá cristiana, yá dolida poles declaraciones de Lennon.

Los Beatles seríen los representantes del Reinu Xuníu na primera emisión vía satélite en televisión pa tol mundu, interpretando All you need is love el 25 de xunu de 1967.

El 27 d'agostu de 1967 muerre'l so mánager Brian Epstein d'una sobredosis accidental de medicamentos (magar que tamién se contempló la hipótesis del suicidiu), depués d'esti fallecimientu los Beatles nunca llevantarán cabeza nel planu económicu embarcándose en proyeutos que fracasarán dafechu y que serán otru motivu a tener en cuenta na disolución de la banda. Tamién en 1967, baxo una idea de Paul McCartney, produxeron la película pa televisión Magical Mystery Tour, cola posterior edición del trabayu discográficu del mesmu nome.

El fin del Grupu editar

 
John Lennon - 1969

En 1968 asoleyen l'álbum y la película Yellow Submarine. John Lennon conoz per esti tiempu a l'artista xaponesa Yoko Ono, que lu influiará enormemente, creando rocees dientro'l grupu.

Cola gran cantidá de canciones compuestes na India y al so regresu en Londres, editaron el doble LP The Beatles, más conocíu como l'"Álbum Blancu". Esta dómina del grupu pesllaríase con Hey Jude siendo ún de los singles más vendíos de la historia.

Pero les tensiones dientro del grupu diben siendo cada vez más notables. Too esto quedaría grabao nel siguiente trabayu, el documental qu'entamó llamándose Get Back pa terminar siendo Let It Be. Depués de dar el famosu "conciertu de l'azotea" nel edificiu del so sellu discográficu Apple nel centru de Londres el 30 de xineru de 1969, los Beatles nun quedaron contentos col discu y nun s'asoleyaría hasta casi un añu depués con orquestación a cargu de Phil Spector.

Los Beatles decidieron entrar nel estudiu por última vez pa grabar el que diba a ser el so últimu discu (magar que salió al mercáu enantes que Let it be), l'imprescindible Abbey Road (1969), quen se convertiría nel so discu más vendíu, depués de Sgt. Pepper.

Lloñe de xunir al grupu'l disco acabó por dixebralu dafechu, xuntándose en poques ocasiones los cuatro a la vez nel mesmu estudiu.

Depués de la publicación de Let It Be, en 1970, les desavenencies y rocees nel somantu de la formación acabaron cola disolución de la mesma cuando, el 10 d'abril d'aquel añu, McCartney saca'l so primer discu en solitario y anuncia que dexa'l grupu y cada miembru continúa la so carrera musical en solitario, ensin que guañase ningún de los intentos de volver a aconceyalos. Paul va conocer un gran éxitu comercial col so grupu nuevu, Wings, John continúa faciendo cantares más comprometíos como Working class hero (la qu'algamó mayor sonadía sería Imagine, que xunta Give peace a chance convirtióse nun himnu de la so dómina) hasta'l so asesinatu el 8 d'avientu de 1980 por un desequilibráu al que-y firmara un autografu delles hores anantes al pie del so apartamentu nel Dakota Building de Nueva York.

Ensame editar

Discografía oficial editar

Álbumes d'estudiu (Reinu Xuníu) editar

Álbumes en direutu editar

  • Live! at the Star-Club in Hamburg, Germany; 1962 (1977)
  • The Beatles at the Hollywood Bowl (1977)
  • First Live Recordings (1979)
  • Live at the BBC (1994)
  • On Air – Live at the BBC Volume 2 (2013)

Singles editar

  • Love Me Do / P.S. I Love You (1962-10-05)
  • Please Please Me / Ask Me Why (1963-01-11)
  • From Me To You / Thank You Girl (1963-04-11)
  • Do You Want To Know A Secret? / Thank You Girl (1963-08-11)
  • She Loves You / I'll Get You (1963-08-23)
  • I Want To Hold Your Hand / This Boy (1963-11-29)
  • Can't Buy Me Love / You Can't Do That (1964-03-20)
  • A Hard Day's Night / Things We Said Today (1964-07-10)
  • I Feel Fine / She's A Woman (1964-11-27)
  • Ticket To Ride / Yes It Is (1965-04-09)
  • Help! / I'm Down (1965-07-23)
  • Day Tripper / We Can Work It Out (1965-12-03)
  • Paperback Writer / Rain (1966-06-10)
  • Yellow Submarine / Eleanor Rigby (1966-08-05)
  • Penny Lane / Strawberry Fields Forever (1967-02-17)
  • All You Need Is Love / Baby You're A Rich Man (1967-07-07)
  • Hello Goodbye / I Am The Walrus (1967-11-24)
  • Lady Madonna / The Inner Light (1968-03-15)
  • Hey Jude / Revolution (1968-08-30)
  • Get Back / Don't Let Me Down (1969-04-11)
  • The Ballad Of John And Yoko / Old Brown Shoe (1969-05-30)
  • Something / Come Together (1969-10-31)
  • Let It Be / You Know My Name (Look Up The Number) (1970-03-06)

Recopilatorios editar

  • A Collection of Beatles' Oldies (But Goldies!) (1966)
  • (19/04/1973) The Beatles / 1962-1966
  • (19/04/1973) The Beatles / 1967-1970
  • (08/03/1988) Past Masters Vol. 1
  • (08/03/1988) Past Masters Vol. 2
  • (30/11/1994) Live At The BBC
  • (21/11/1995) Anthology 1
  • (18/03/1996) Anthology 2
  • (28/10/1996) Anthology 3
  • (13/09/1999) Yellow Submarine Songtrack
  • (13/11/2000) One
  • (17/11/2003) Let It Be... Naked
  • (15/11/2004) The Capitol Albums Vol. 1
  • (11/04/2006) The Capitol Albums Vol. 2

Filmografía editar

Asina como la producción d'una película d'animación, Yellow submarine, en 1968. Los cuatro Beatles apaecen nuna breve secuencia nel cierre de la película.

The Beatles foi igualmente'l nome d'un dibuxu animáu nel que se fizo intervenir a los cuatro Beatles col so look anterior (ensin bigotes nin gafes) y foi emitíu nos Estaos Xunidos. Les voces de los personaxes del dibuxu nun teníen nada que ver coles de los verdaderos Beatles, el so acentu de Liverpool consideróse como dificilmente comprensible pol públicu d'Estaos Xuníos.

Referencies editar

Enllaces esternos editar

  • [1] John Lennon revela los motivos de la dixebra de los Beatles

Enllaces esternos (n'inglés) editar

Multimedia editar