The Who

The Who
Datos
Tipu	grupu de rock
Miembros	Roger Daltrey, Pete Townshend, John Entwistle, Keith Moon y Kenney Jones
Xéneru	art rock (es) , hard rock, Rhythm and blues, rock y rock progresivu
Sellu discográficu	Warner Bros. Records; Atco Records; Brunswick; Decca Records; Polydor Records
País	Reinu Xuníu
Orixinarios de	Londres
Fecha fundación	febreru 1964
	Web oficial

The Who ye una banda británica de Rock formada en 1964 en Londres por Roger Daltrey (voz), Pete Townshend (guitarra, teclaos y voz), John Entwistle (baxu y voz) y Keith Moon (batería y voz).

Foi conocida poles sos enerxétiques presentaciones en vivu, que incluyíen la destrucción de los sos preseos musicales. The Who vendió alredor de 100 millones de discos, asitiaron 27 senciellos nel Top 40 nel Reinu Xuníu y Estaos Xuníos, y 17 álbumes nel Top 10, llogrando 18 discos d'oru, 12 de platín y 5 de multiplatín namái nos Estaos Xuníos.

Historia editar

The Who algamó la fama nes Islles britániques con una serie de senciellos que s'allugaron nel Top 10, impulsaos en parte por emisores de radio pirates como Radio Caroline, empecipiando'l so ésitu en xineru de 1965 con «I Can't Explain», complementáu con más hits como «My Generation» (númberu 2 n'Inglaterra), «Substitute» o «I'm a Boy». Los álbumes My Generation (1965), A Quick One (1966) y The Who Sell Out (1967) siguiéronlos, colos dos primeros algamando'l Top 5 nel Reinu Xuníu. El primer hit nel Top 40 d'Estaos Xuníos foi «Happy Jack» y, darréu, ingresó al Top 10 esi mesmu añu con «I Can See for Miles».

La so fama creció con actuaciones memorables nos festivales de Monterey, Woodstock y en Isle of Wight. En 1969 llanzaron l'ambiciosu LP doble Tommy, enmarcáu dientro del xéneru llamáu "Ópera rock", y el primeru d'una serie d'álbumes Top 10 nos Estaos Xuníos, siguío por Live at Leeds (1970), Who's Next (1971), Quadrophenia (1973), The Who by Numbers (1975), Who Are You (1978) y la banda sonora de The Kids Are Alright (1979).

Keith Moon morrió en 1978 a la edá de 32 años. Depués del so decesu, la banda llanzó dos álbumes d'estudiu, Face Dances (1981) qu'algamó'l Top 5 nes llistes d'Estaos Xuníos y el Reinu Xuníu, y darréu It's Hard (1982), qu'algamó'l Top 10 nel ranking musical d'Estaos Xuníos, trabayos que realizaron col batería Kenney Jones, dempués de lo que dixebráronse, en 1983

The Who volvió reagrupase pa participar nel Live Aid en 1985, pol 25º aniversariu de la banda en 1989, y na xira Quadrophenia Tour en 1996, que marcó'l remanecimientu del grupu hasta'l presente. Nel añu 2000, los trés miembros orixinales sobrevivientes trabayaron na grabación d'un nuevu material, pero los sos planes enllancáronse temporalmente por cuenta de la muerte de John Entwistle en 2002, a los 57 años d'edá. Townshend y Daltrey siguieron col trabayu de la banda, llanzando en 2006 Endless Wire, qu'algamó'l Top 10 n'Estaos Xuníos y el Reinu Xuníu.

El grupu incluyóse nel Salón de la Fama del Rock en 1990, nel so primer añu de elegibilidá, describiéndolos como «Primeros contendores, na mente de munchos, pol títulu de la banda más grande nel mundu del Rock». La revista "Time" espresó en 1979 que «Nengún otru grupu llevó'l Rock tan lloñe», en cuantes que "Rolling Stone" escribió: «Xunto con The Beatles y The Rolling Stones, The Who completa la santísima trinidá del Rock británicu».

La banda recibió el Lifetime Achievement Award de la British Phonographic Industry en 1988, y de la Grammy Foundation en 2001, poles significatives y escepcionales contribuciones creatives nel campu de la grabación. Dende 1996 hasta'l día de güei el grupu caltúvose n'actividá más o menos constante, anque con distintes alliniaciones, siempres comandáu por Townshend y Daltrey.

Discografía editar

Álbumes n'estudiu

My Generation (1965)
A Quick One (1966)
The Who Sell Out (1967)
Tommy (1969)
Who's Next (1971)

The Who en Toronto, Canadá, 1976

Quadrophenia (1973)
The Who by Numbers (1975)
Who Are You (1978)
Face Dances (1981)
It's Hard (1982)
Endless Wire (2006)
Who (2019)

Álbumes en vivu

Live at Leeds (1970)
Who's Last (1984)
Join Together (1990)
Live at the Isle of Wight Festival 1970 (1996)
BBC Sessions (2000)
Blues to the Bush (2000)
Live at the Royal Albert Hall (2003)
Live from Toronto (2006)
Greatest Hits Live (2010)

Bandes sonores

Tommy (1975)
The Kids Are Alright (1979)
Quadrophenia (1979)

Miembros editar

Formación actual

Roger Daltrey (voz, guitarra, harmónica)
Pete Townshend (guitarra, voz, teclaos)

Daltrey y Townshend en 2008

Músicos adicionales

Simon Townshend (guitarra, coros)
Pino Palladino (baxu)
Zak Starkey (batería)
John Corey (teclaos)
Loren Gold (teclaos, coros)
J.Greg Miller (vientos)
Reggie Grisham (vientos)
Frank Simes (teclaos, coros, direición musical)

Antiguos miembros

John Entwistle (baxu)
Keith Moon (batería)
Kenney Jones (batería)
Doug Sandom (batería)
Simon Phillips (batería)
John "Rabbit" Bundrick (teclaos)

Referencies editar

Enllaces esternos editar

Sitiu oficial