translatewiki.net ye una plataforma pa traducción basada na web, qu'usa la estensión Translate de MediaWiki, lo que convierte a MediaWiki nuna potente ferramienta pa traducir toa triba de testu.

Ficha de softwareTranslatewiki.net
Versión inicial xunetu 2006
Escritu en PHP
Sistema operativu Multiplataforma
Llingua orixinal distintes llingües
Tipu sitiu MediaWiki, Wiki y software disponible en el código fuente (es) Traducir
Llicencia GNU General Public License y Creative Commons Atribución 3.0 No portada (es) Traducir
N'asturianu Sí 
Más información
Sitiu web Web oficial
Cambiar los datos en Wikidata

Nesti momentu ye la 13ª mayor wiki del mundu por númberu de páxines,[1] y tien unos 5000 traductores[2] pa más de 50.000 cadenes de testu en más de 20 proyeutos[3] qu'incluyen MediaWiki, OpenStreetMap, Mifos, Encyclopedia of Life o MantisBT.

Carauterístiques editar

Niklas Laxström, Translating the wiki way: Simple, fast, fun, Wikimania 2012 (diapositives disponibles).

La carauterística principal de translatewiki.net ya'l so motor, la estensión Translate, ye ser una wiki, de mou que la collaboración faise cenciella pa cualquier usuariu de la web, con un nivel d'entrada baxu o inesistente.[4] La calidá buscase faciendo que los traductores se centren no que meyor saben facer, traducir, lliberandolos de toles demás xeres.

Les traducciones tan disponibles nel intre pal traductor y «sincronizaránse de mou sele col depósitu [del software]»[5] o les páxines wiki traducibles, ensin intervención del traductor. Nel casu más favorable, los proyeutos MediaWiki en Wikimedia, les nueves llocalizaciones aporten a los sitios públicos nun día.[6]

L'editor de traducciones integráu ufre delles carauterístiques p'ayudar cola traducción, como

  • documentación del mensaxe, tamién llamada "contestu",
  • suxerencies de la memoria de traducción y traducción automática,
  • comprobación de les traducciones pa los errores de sintaxis comúnes,
  • estáu de la traducción de los mensaxes.[7]


Referencies editar

  1. llista de les mayores wikis, marzu de 2013.
  2. Estadístiques
  3. Estadístiques de llocalización en vivo, por exemplu pal finlandés.
  4. translatewiki.net celebralo – tamién yo, mensaxe de Niklas Laxström pal 6ᵘ aniversariu, 22 d'abril de 2011.
  5. Comunidá de Translatewiki.net, 27 d'abril de 2011, mifos.org.
  6. mw:Localisation#Update of localisation.
  7. Redesigning the Translation experience: An overview, blog de la Fundación Wikimedia, 25 de marzu de 2013.

Enllaces esternos editar