Vicente Santarúa
Vicente Menéndez-Santarúa Prendes (23 de payares de 1936, Candás – 26 de febreru de 2024) foi un escultor y pintor asturianu.
Vicente Santarúa | |
|---|---|
| Vida | |
| Nacimientu | Candás[1], 23 de payares de 1936[2] |
| Nacionalidá |
 España |
| Muerte | 26 de febreru de 2024[3] (87 años) |
| Estudios | |
| Estudios | Academia de Belles Artes d'Asturies |
| Nivel d'estudios | llicenciatura (belles artes) |
| Llingües falaes |
castellanu asturianu |
| Oficiu | pintor, escultor, profesor |
| Trabayos destacaos |
Monumentu a Xuan Pablo II Monumentu al Marqués de Santa Cruz Monumentu a Woody Allen |
| santarua.com | |
 | |
Biografía editar
A los 19 años ingresa na Academia de Belles Artes d'Asturies, dos años más sero consigue en Madrid el carné de copista del Muséu del Prado, ingresando un añu depués na Escuela de Belles Artes de San Fernando. Terminaría la so formación académica na escuela Superior de Belles Artes de Valencia, onde sacó la llicenciatura.
Trabayó como profesor en dellos centros d'Avilés: nel colexu San Fernando, nel institutu Carreño Miranda y nel institutu de La Lluz. En sacando la llicenciatura, dio clases nel institutu Padre Feijóo de Xixón y darréu volvió al Carreño Miranda. Terminó la so carrera docente nel institutu de Salinas.
Obres editar
Ente la so obra escultórica pública n'Asturies destaquen les estatues de Manuel Preciado, en Xixón; Woody Allen, n'Uviéu y Philippe Cousteau, nel Muséu d'Ancles de Salinas.
Muerte editar
Morrió'l 26 de febreru de 2024, tres selmanes depués d'inaugurar un mural de cerámica na so Candás natal que resume la historia del conceyu dende'l pleitu de los delfines (sieglu XVII) hasta esi momentu.[4]
Referencies editar
- ↑ URL de la referencia: https://www.elcomercio.es/v/20110227/aviles/vida-dedicada-crear-20110227.html.
- ↑ URL de la referencia: http://www.santarua.com/es/biografia.html.
- ↑ «El Comercio» (castellanu). Archiváu dende l'orixinal, el 27 febreru 2024. Consultáu'l 27 febreru 2024.
- ↑ Cristina del Río (26 de febreru de 2024). «Fallece el artista Vicente Santarúa a los 88 años» (castellanu). Consultáu'l 27 de febreru de 2024.
Enllaces esternos editar
Datos: Q17415838
