Water Island
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Water Island ye la cuarta y más recientemente adquirida de les Islles Vírxenes Americanes, col status de Territoriu Dependente de los Estaos Xuníos. Alcuéntrase asitiada nel mar Caribe. Esta islla ye d'orixe volcánicu y alcuéntrase a 1 km al sur de la islla de Saint Thomas. Ta comunicada con Saint Thomas a traviés d'un serviciu regular de ferry que anicia en Crown Bay nun percorríu dunos 10 minutos.
| Water Island | |
|---|---|
 | |
| Alministración | |
| Territorios ensin incorporar |  Islles Vírxenes Americanes |
| Tipu d'entidá | islla |
| Nome llocal | Water Island (en) |
| Xeografía | |
| Coordenaes | 18°19′11″N 64°57′12″W / 18.31972°N 64.95333°O |
 | |
| Superficie | 1.989 km² |
| Altitú media | 38 m |
| Demografía | |
| Población | 182 hab. (2010) |
| Densidá | 91,5 hab/km² |
 | |
Con 2,6 km cuadraos, Water Island ye la más pequeña de les Islles Vírxenes Americanes. Alministrativamente forma parte del subdistritu de Saint Thomas. Trátase d'una islla residencial, con una población de 161 habitantes (sigún censu del añu 2000), y nengún establecimientu comercial importante. Delles de les cases de Water Island fueren acaldaes pa turistes y visitantes. Les principales atraiciones de la islla son les playes, especialmente Honeymoon Beach, los vieyos llantenes de caña d'azucre y Fort Segarra, un fuerte soterrañu construyíu polos Estaos Xuníos mientres la Segunda Guerra Mundial. La pica norte de la islla ye una comunidá privada, Sprat Bay Estates, estendida hasta la playa de Sprat Bay. Toles playes son d'usu públicu.
Historia editar
Los primeros habitantes coñocíos de Water Island yeren indios tahínos, que vivíen na islla demientres el sieglu XV. Water Island recibió’l so nome de los esploradores europeos debíu a la existencia de delles fontes naturales d'agua potable. Munches islles de les Antilles carecíen de fontes, asina que Water Island yera una posa afayaíza pa los pirates.
La Compañía danesa de les Indies Occidentales y Guinea reclamare la propiedá de la islla alrodiu de 1769. Demientres el sieglu XVIII y entamos del XIX la islla yera propiedá de dellos negros lliberaos y mulatos que cultivaben algodón y criaben ganáu. En 1905 la islla foi vendida a la Compañía Danesa de les Indies Orientales que la mantuvo en 1917 cuando los compraren el restu de les Indies Daneses Occidentales.
En 1944 los Estaos Xuníos compraren Water Island pa protexer la base de somarinos de Saint Thomas mientres la Segunda Guerra Mundial. Ente 1944 y 1950 la islla tuvo baxo la supervisión del Departamentu de Defensa de los Estaos Xuníos. La División de Guerra Química del Exércitu adquirió dellos terrenos de Water Island para probar armes químiques como l'axente naranxa. En 1950 la islla pasó al Departamentu d'Interior, que la allogó a dellos residentes civiles.
El control de Water Island foi tresferíu del gobiernu federal al gobiernu territorial de les Isllas Vírxenes Americanes el 12 d'avientu de 1996, faciendo d'ella la "Última Virxe". No cabero de la década de 1990, el Departamentu d'Interior entamó a tresferir les propiedades gobernamentales de la islla a los residentes. Nel añu 2005 el gobiernu de les Islles Vírxenes anunció planes pal desendolcu de Water Island y enantar la construción de viviendes.
Referencies editar
Enllaces esternos editar
Wikimedia Commons tien conteníu multimedia tocante a Water Island.
Datos: Q679803- Multimedia: Water Island, U.S. Virgin Islands
