WikiMedia

La Fundación Wikimedia (Wikimedia Foundation, Inc.) ye la organización matriz de Wikipedia, Wikinoticies, Wikcionariu, Wikicites, Wikillibros, Wikisource, commons, Wikispecies, Wikiversidá y la yá abandonada Nupedia. Ye una organización ensin fines de llucru instituyía baxu les lleis de Florida (Estaos Xuníos). La so esistencia foi oficialmente anunciada pol direutor xeneral de Bomis y cofundador de Wikipedia, Jimbo Wales el 20 de xunu de 2003. El nome de "Wikimedia" foi acuñáu por Sheldon Rampton nuna llista de correu (WikiEN-l) en marzu del 2003. Los nomes de los dominios http://wikimedia.org y https://wikimediafoundation.org foron adquiríos pa la fundación por Daniel Mayer.

Logotipu de la fundación Wikimedia, realizáu pol usuariu "Neolux"

Oxetivos de la fundación

Los oxetivos de la Fundación que manexa Wikipedia ye la de desendolcar y caltener proyeutos de conteníu llibre basaos en wiki, y proveer el conteníu total d'esos proyeutos al públicu de baldre.

Amás de la enciclopedia multillingüe d'usu xeneral Wikipedia, la Fundación alministra un diccionariu multillingüe nomáu Wikcionariu, una enciclopedia de cites nomada Wikicites, un depósitu de testos de referencia en cualesquier idioma nomáu Wikiesbilla, un sitiu de noticies nomáu Wikinoticies y una coleición de llibros de testu lletrónicos pa estudiantes nomáu Wikillibros. Wikijunior ye un proyeutu rellacionáu destináu a neños y adolescentes.

L'espoxigue contino de los proyeutos de Wikipedia depende básicamente de donaciones, pero la Fundación Wikimedia trata d'incrementar los sos ingresos al traviés de fontes alternatives de financiación comu premios y patrocinios.

Enllaces esternos

• Fundación Wikimedia
• Estatutos (.pdf)

• Datos: Q25578414