Yousuf Karsh (23 d'avientu de 1908Mardin – 13 de xunetu de 2002Boston) foi ún de los más valoraos fotógrafos de retratu del sieglu XX.

Yousuf Karsh
Vida
Nacimientu Mardin[1]23 d'avientu de 1908[2]
Nacionalidá Bandera de Canadá Canadá
Bandera d'Armenia Armenia
Residencia Ottawa
Muerte Boston13 de xunetu de 2002[2] (93 años)
Sepultura Notre-Dame Cemetery (en) Traducir
Familia
Hermanos/es Malak Karsh
Estudios
Llingües falaes inglés[3]
Alumnu de John Higue Garo (es) Traducir
Oficiu fotógrafu
Llugares de trabayu Ottawa y Boston
Premios
Miembru de Real Academia d'Artes de Canadá
Xéneru artísticu semeya
karsh.org
Cambiar los datos en Wikidata

Biografía editar

Nació en Mardin (Turquía en 1908. A los 14 años coló cola so familia pa Siria fuxendo de la persecución turca. Trés años dempués asitiose en Sherbrooke, Québec (Canadá), col so tíu, el tamién fotógrafu George Nakash. Foi quien decidiera unvialu como aprendiz a Boston (Estaos Xuníos), al estudiu del retratista John Garo.

Dempués de cuatro años volvió pa Canadá, y abrió un estudiu n'Ottawa, cerca de la sé del gobiernu canadianu. Foi ellí u conoció al entós Primer Ministru del país Mackenzie King. Esa rellación facilitó que fixera dellos retratos a mandatarios y personaxes públicos de la época. Pero'l momentu más importante foi la visita de Winston Churchill en 1941. El retratu que Karsh-y fixera al Primer Ministru británicu dio-y al fotógrafu reconocencia internacional y convirtióse nún de los iconos fotográficos del sieglu XX. La carrera de Karsh desenvolvióse nos años siguientes col pasu per énte la so cámara de delles de les más reconocíes personalidaes del arte, la política y la ciencia del sieglu. Karsh morrió en 2002 n'Ottawa.

El so llabor editar

La obra de Karsh foi innovadora nel usu de la iluminación artificial pal retratu. L'usu d'efeutos escénicos p'acentuar dellos aspeutos del retratáu, el contraste de lluz y solombres, son delles de les carauterístiques de la obra de so, considerada como una de les cimeres del retratu psicolóxicu.

El so retratu de Churchill foi, de xuru, el puntu crucial de la so carrera. Asoleyada na revista Life, algamó una difusión mundial y ye entá güei la so obra más reconocida. Karsh entamó dempués, cola compilación de retratos a delles personalidaes qu'él mesmu definiera como "los homes y muyeres que salvaran la nuesa civilización". La mediación del Primer Ministru permitió-y trabayar con 42 celebridaes. A ellos sumáronse llueu, y por encargu de la revista "Life", decenes de cabezaleros mundiales. Esi trabayu permitió-y espublizar en 1946 "Faces of Destiny", una coleición de personaxes internacionalmente reconocíos.

A lo llargo de la so carrera, Karsh espublizó una quincena de llibros de retratos. Nellos atopábense delles de les imáxenes más conocíes de xente como Albert Einstein, Albert Schweitzer, Alexander Calder, Andy Warhol, Audrey Hepburn, Clark Gable, Dwight Eisenhower, Ernest Hemingway, Fidel Castro, Jacqueline Kennedy, Frank Lloyd Wright, George Bernard Shaw, Georgia O'Keeffe, Grey Owl, Helen Keller, Humphrey Bogart, Indira Gandhi, John F. Kennedy, Laurence Olivier, Madame Chiang Kai-Shek, Muhammad Ali, Pau Casals, Pandit Nehru, Paul Robeson, Peter Lorre, Picasso, Pierre Elliott Trudeau, Sabela II d'Inglaterra, Grace Kelly, Robert Frost, Ruth Draper, y, por supuestu, Winston Churchill, ente otros. A la fin de la so obra, finada por él mesmu en 1987, Karsh reuniera alrodiu de 370.000 negativos, de los que 17.000 yeren retratos.

Galería de semeyes editar

Referencies editar

  1. Identificador GND: 120273764. Afirmao en: Gemeinsame Normdatei. Data de consulta: 3 setiembre 2023. Llingua de la obra o nome: alemán. Autor: Biblioteca Nacional d'Alemaña.
  2. 2,0 2,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. Biblioteca Nacional de Francia. «autoridaes BNF» (francés). Consultáu'l 10 ochobre 2015.

Enllaces esternos editar