Ángela Vallina
Ángela Rosa Vallina de la Noval (6 de xunetu de 1959, Castrillón) ye una política asturiana d'Izquierda Xunida. Eurodiputada dende 2014 dientro del Grupu Confederal de la Izquierda Unitaria Europea/Izquierda Verde Nórdica hasta 2019, foi alcaldesa de Castrillón ente 2003 y 2004 y ente 2007 y 2014. En 2019 ye escoyida n'eleiciones primaries candidata d'Izquierda Xunida d'Asturies a les eleiciones a la Xunta Xeneral del Principáu d'Asturies de 2019.[1]
Ángela Vallina | |||||||||
|---|---|---|---|---|---|---|---|---|---|
 | |||||||||
2019 -
1r xunetu 2014 - 1r xunetu 2019 Distritu: España Eleiciones: eleiciones al Parllamentu Européu de 2014
16 xunu 2007 - 14 xunu 2014
14 xunetu 2003 - 20 setiembre 2004 | |||||||||
| Vida | |||||||||
| Nacimientu | Castrillón, 6 de xunetu de 1959 (65 años) | ||||||||
| Nacionalidá |
 España | ||||||||
| Estudios | |||||||||
| Estudios | Universidá d'Uviéu | ||||||||
| Llingües falaes | castellanu | ||||||||
| Oficiu | política | ||||||||
| Llugares de trabayu | Estrasburgu y Bruxeles | ||||||||
| Creencies | |||||||||
| Partíu políticu | Izquierda Xunida | ||||||||
 | |||||||||
Biografía
editarPrimeros años
editarÁngela Vallina pasó parte de la so educación primaria nel colexu Paula Frassinetti (Doroteas). Estudió Puericultura y Historia na Universidá d'Uviéu. Profesionalmente, foi copropietaria d'un negociu de regalos y decoración pa, dempués, xerenciar una empresa de tresporte familiar.
Política local
editarNel añu 1999 entró na llista d'Izquierda Xunida (IX) nes eleiciones municipales de Castrillón.[2] Foi investida alcaldesa per primer vegada en 2003, anque una moción de censura desallugóla del gobiernu en 2004.
Tres les elecciones municipales de 2007 nes qu'IX quedó como segunda llista, Vallina ganó l'alcaldía. En 2011, IX se convirtió na primer fuercia política y Vallina anovó'l cargu d'alcaldesa, liderando un gobiernu en minoría.
Mientres el so mandatu s'enfrentó a proyeutos d'infraestructures d'ámbitu nacional pol importante patrimoniu del so conceyu, llogrando evitar la grave afectación per una vía d'alta capacidá pa lo que resultó ser el principal xacimientu arqueolóxicu medieval d'Asturies, el Castiellu de Gauzón.[3] Un técnicu ambiental de la Mancomunidá Comarca Avilés con un horariu y sueldu retayaos alegándose unu amenorgamientu de los recursos económicos de los conceyos, presentó n'abril de 2014 una denuncia contra Vallina por presuntu acoso énte la Inspeición de Trabayu y Seguridá Social.[4] Una docena de grupos ecoloxistes unviaron una carta de quexa al entós daquella coordinador d'IX Cayo Lara alvirtiendo'l presuntu acoso.[5]
Ángela Vallina exerció de presidenta de la Comisión de los Conceyos Costeros de la Federación Asturiana de Conceyos, de la que tamién ye vicepresidenta segunda. Nel ámbitu estatal, desempeñó la presidencia de la Comisión de Mancomunidaes de la Federación Española de Conceyos y Provincies (FEMP), y foi conseyera del Puertu d'Avilés. Amás, formó parte del Conseyu Asesor del ente públicu Radiotelevisión del Principáu d'Asturies (RTPA).
Parllamentu Européu
editarIncluyida como númberu 6 de la llista de la Izquierda Plural de cara a les eleiciones europees de 2014 n'España, resultó escoyida miembru del Parllamentu Européu. Viose entós obligada a arrenunciar a l'alcaldía, siendo investida como alcaldesa Yasmina Triguero Estévez el 14 de xunu de 2014.[6] Integrada dientro del Grupu Confederal de la Izquierda Unitaria Europea/Izquierda Verde Nórdica, formó parte nel Europarllamentu de la comisión de Desenvolvimientu Rexonal (REGI), de la Comisión de Drechos de la Muyer (FEMM) y de la Comisión de Pidimientos (PETI); lo mesmo que de la Delegación de la Xunión Europea col Estáu de Palestina (DPLC). La plataforma de siguimientu de europarllamentarios VoteWatch asignó a Vallina en 2017 un porcentaxe d'asistencia a los plenos del 68,65 %, la menor ente los eurodiputaos españoles.[7][8]
Ver tamién
editarReferencies
editar- ↑ Ramón Argüelles dimite como coordinador de Izquierda Unida de Asturias https://www.lne.es/asturias/2019/03/12/ramon-arguelles-dimite-coordinador-izquierda/2440021.html
- ↑ «Izquierda Xunida Asturies propón a Ángela Vallina para'l Parllamentu Européu» (castellanu). Consultáu'l 17 de mayu de 2016.
- ↑ «Rondar norte, un plan llaráu de curves». Consultáu'l 17 de mayu de 2016.
- ↑ Campo, E. (1 de mayu de 2014). «El técnicu ambiental de la Mancomunidá denuncia por acoso a Ángela Vallina». La Nueva España. https://www.lne.es/aviles/2014/05/01/tecnico-ambiental-mancomunidad-denuncia-acoso-20044850.html.
- ↑ Campu, Y. (17 de mayu de 2014). «Grupos ecologistas advierten a Cayo Lara del "acoso" al técnico de la mancomunidad». La Nueva España. https://www.lne.es/aviles/2014/05/17/grupos-ecologistas-advierten-cayo-lara-20034413.html.
- ↑ «Yasmina Triguero apuerta a l'alcaldía «cola puerta abierta pa tolos castrillonenses»» (castellanu). Consultáu'l 12 de febreru de 2016.
- ↑ Ángela Vallina ye la eurodiputada española que menos allega a les votaciones. https://www.lavozdeasturias.es/noticia/asturias/2017/07/07/ngela-vallina-eurodiputada-espaola-allega-votaciones/00031499446202034635704.htm.
- ↑ Vallina, contra Juncker por criticar les faltes de los eurodiputaos. https://www.lne.es/asturias/2017/07/11/vallina-juncker-criticar-faltes-eurodiputaos/2133394.html.
Enllaces esternos
editar
Wikimedia Commons acueye conteníu multimedia sobre Ángela Vallina.
Datos: Q14026403- Multimedia: Ángela Vallina
