Ḥou de los Cabrones
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El Ḥou de los Cabrones ye una fondigonada asitiada nel Macizu Central de los Picos d'Europa percima de la cota de los 2000 m. Enclaváu tou él en territoriu ástur, nel conceyu de Cabrales. Atópase nun llugar apartáu, a delles hores de les poblaciones más próximes: Bulnes, Caín y Sotres.
| Ḥou de los Cabrones | |
|---|---|
| fondigonada | |
| Situación | |
 |
Pue accedese a él dende l'abellugu d'Urriellu, dende Bulnes (por Amuesa) o dende Caín, poles complicaes canales de Dobresengos o la canal de l'Agua.
Na so redolada pueden atopase dellos cumes d'entidá, como por exemplu: los Cuetos del Trabe, picu Dobresengos, Aguyes y picu de los Cabrones, La Torre Cerréu, torre de la Párdida, Neverón de Urriellu, los Albos, etc.
Igualmente la zona alcuéntrase llarada de fondes torques pa la práutica de la espeleoloxía. A esti llugar denomínase-y el «Himalaya de les torques» poles munches que superen los 1000 m de fondura. Ente elles destaca'l sistema del Cuetu del Cuevón, la más fonda d'España, la cuarta mundial y considerada n'espeleoloxía, téunicamente, la más difícil del mundu.
Nel Ḥou de los Cabrones ta l'abellugu José Ramón Lueje, que facilita l'actividá de monte nesa apartada y selvaxe redolada. Al llau del abellugu hai una fonte d'agua potable. Dichu abellugu ta consideráu como'l de más mal accesu de tol territoriu español.
Referencies editar
Enllaces esternos editar
Datos: Q5946651
