Añu Internacional de l'Agricultura Familiar
L'Asamblea Xeneral de les Naciones Xuníes na so 66ª sesión declaró oficialmente'l 2014 «Añu Internacional de l'Agricultura Familiar» (AIAF).
| Añu Internacional de l'Agricultura Familiar | |
|---|---|
.jpg) | |
| Información xeneral | |
| Tipu |
fecha internacional (es)  |
| Creación | 22 avientu 2011 |
| Enllaces esternos | |
| Sitiu web | https://openknowledge.fao.org/server/api/core/bitstreams/ac590df7-e26b-4d6a-a65c-74fd4ce5269b/content |
 | |
La Organización de les Naciones Xuníes pa l'Alimentación y l'Agricultura (FAO) foi convidada a facilitar la so implementación en collaboración con gobiernos, organismos internacionales de desarrollu, organizaciones de llabradores y otres organizaciones pertinentes del sistema de les Naciones Xuníes y organizaciones non gubernamentales.[1]
Celebración
editarEl 22 d'avientu de 2011 l'Asamblea Xeneral de les Naciones Xuníes na Resolución 66/222 proclamó l'añu 2014 Añu Internacional de l'Agricultura Familiar.[2]
L'Añu Internacional de l'Agricultura Familiar (AIAF) 2014 tien como oxetivu aumentar la visibilidá de l'agricultura familiar y l'agricultura a pequeña escala al centrar l'atención mundial sobre'l so importante papel na mitigación de la fame y la probeza, la seguridá alimentaria y la nutrición, p'ameyorar los medios de vida, la xestión de los recursos naturales, la proteición del mediu ambiente y llograr el desarrollu sostenible sobremanera en zones rurales.
Na resolución (A/RES/66/222) l'Asamblea Xeneral designó'l 2014 «Añu Internacional de l'Agricultura Familiar», Convida a la Organización de les Naciones Xuníes pa l'Alimentación y l'Agricultura a que facilite la observancia del Añu Internacional de l'Agricultura Familiar, en collaboración colos gobiernos, el Programa Mundial d'Alimentos, el Programa de les Naciones Xuníes pal Desarrollu, el Grupu Consultivu pa la Investigación Agrícola Internacional y otres organizaciones competentes del sistema de les Naciones Xuníes, según les organizaciones non gubernamentales pertinentes.
Agricultura Familiar
editarNel marcu del Añu Internacional de l'Agricultura Familiar AIAF-2014, la FAO propón la siguiente definición de l'Agricultura Familiar: «L'agricultura familiar ye una forma d'entamar, la producción agrícola y silvícola, según la pesca, el pregueréu y la acuicultura, que ye xestionada y dirixida por una familia y que na so mayor parte depende de mano d'obra familiar, tanto de muyeres como d'homes. La familia y la esplotación tán venceyaes, co-evolucionen y combinen funciones económiques, ambientales, reproductives, sociales y culturales». Una definición compartida dende la coordinación de la campaña del AIAF-2014 de la sociedá civil.
Campaña pola declaración del AIAF
editarNel añu 2008, el Foru Rural Mundial empezó a compartir ente les sos organizaciones socies y collaboradores un compromisu de sofitu esplícitu a l'Agricultura Familiar. Foi tres el Foru Llabrador entamáu pol FIDA en febreru de 2008 en Roma cuando, per primer vegada, delles organizaciones agraries y de desarrollu rural empezaron a caminar xuntes nesti proyeutu al llargu plazu.
Dende entós más de 350 organizaciones llabradores, rurales, etc. de 60 países nos 5 continentes sumaron el so sofitu oficial a la Campaña de la Sociedá Civil a favor del AIAF. Llista d'adhesiones na páxina oficial de la Campaña del AIAF de la sociedá civil.
Esta campaña tamién tuvo'l so reflexu nel ámbitu de los organismos internacionales. A propuesta del Gobiernu de Filipines, la Conferencia de la FAO propunxo que se proclamara 2014 Añu Internacional de l'Agricultura Familiar nel so 37ᵘ periodu de sesiones celebráu en 2011.l.
Declaración
editarEl gobiernu de Filipines promovió nel senu de l'Asamblea Xeneral de les Naciones Xuníes la declaración del Añu Internacional de l'Agricultura Familiar, pidimientu a la que se sumaron otros 40 países.
Finalmente, el 22 d'avientu de 2011 l'Asamblea Xeneral de les Naciones Xuníes proclamó por unanimidá na Resolución 66/222 l'añu 2014 como Añu Internacional de l'Agricultura Familiar. Na declaración, afírmase que «l'Agricultura Familiar y les pequeñes esplotaciones agrícoles son una base importante pa la producción sostenible d'alimentos empobinada a llograr la seguridá alimentaria» y reconozse «la importante contribución que l'agricultura familiar y les pequeñes esplotaciones agrícoles pueden suponer pal llogru de la seguridá alimentaria y la erradicación de la probeza con mires a algamar los oxetivos de desarrollu conveníos internacionalmente, incluyíos los Oxetivos de Desarrollu del Mileniu».
Trátase del primer añu internacional promovíu y precedíu por una campaña previa de la Sociedá Civil.
Programa Mundial de Preparación de la Sociedá Civil
editarNel AIAF-2014 conflúin trés niveles: la Sociedá Civil, los organismos internacionales y los gobiernos nacionales, cada unu col so espaciu, pero con numberosos puntos d'alcuentru mientres les actividaes que se van entamar mientres 2014.
Dientro del Programa Mundial de Preparación 2012-2013 de la Sociedá Civil coordináu pol Foru Rural Mundial, promovíose la creación de Comités Nacionales de sofitu al AIAF-2014. Estes plataformes, promovés poles organizaciones llabradores y de desarrollu rural xuntaes a la campaña del AIAF-2014, pretenden convertise en focos d'incidencia y de sensibilización en cada país. Mientres 2012 y 2013 yá nacieron n'Europa, América, Asia, África y Oceanía más de 40 comités nacionales.
La Sociedá Civil celebra'l AIAF-2014 sol lema ALIMENTAR AL MUNDU, CURIAR EL PLANETA.
Llanzamientu del AIAF-2014
editarEl día 22 de Payares de 2013 va tener llugar en Nueva York, na sede de les Naciones Xuníes, el llanzamientu oficial del AIAF-2014, entamáu pola FAO.
La Sociedá Civil implicada nel AIAF-2014 desea faer d'esa fecha un día mundial de gran impautu mediáticu, con llanzamientos simultáneos en munchos países, demostrando d'esta forma'l potencial y el deséu de toos pa convertir el AIAF-2014 nun gran impulsor a favor de meyores polítiques públiques que favorezan realmente a l'Agricultura Familiar. Cada Comité Nacional, nos países nos que yá esiste, cada organización, va entamar pal llanzamientu nel país o rexón na que trabaya, aquelles actividaes que considere más apropiaes.
Principales oxetivos del AIAF-2014 de la Sociedá Civil
editar- Promover polítiques actives en favor del desarrollu sostenible de los sistemes agrarios basaos na unidá familiar llabradora, comunal, indíxena, cooperativa, pesquera, etc.
- Potenciar el papel de les Organizaciones Llabrador y Rural.
- Sensibilizar sobre la relevancia de sofitar l'Agricultura Familiar como modelu eficaz na producción d'alimentos y el desarrollu integral de les zones rurales.
Resultaos esperaes
editar- Reconocencia per parte de la ONX, d'Organizaciones Internacionales y de los Gobiernos de les distintes naciones del rol que desenvuelve l'Agricultura Familiar.
- Refuerzu de les Organizaciones Llabradores, de Pastores, Pescadores ya Indíxenes como interlocutores esenciales énte los poderes públicos.
- Creación, ampliación y fortalecimientu de plataformes nacionales ya internacionales pal desarrollu d'estratexes y polítiques de defensa d'un futuru sostenible pa l'Agricultura Familiar.
- Aumentu de la inversión pública n'infraestructures y servicios a zones rurales.
- Empoderamientu progresivu de la muyer rural per aciu l'usu de ferramientes de sofitu direutu. (inversión, creitu, titularidá, etc.).
- Marcos xurídicos que regulen y protexan de forma efectiva la propiedá de la tierra nes sos diverses formes según facilitar l'accesu a ella de los xornaleros.
- Programes de formación, d'intercambiu de conocencies llocales, de potenciación de capacidaes y aumentu del emplegu rural, especialmente ente los mozos.
- Construcción d'una Rede de comunicación mundial, rexonal y nacional que fortaleza los llazos de solidaridá ente les sociedaes urbano y rural.
Ver tamién
editarReferencies
editar- ↑ «Sitiu oficial del Añu Internacional de l'Agricultura Familiar» (castellanu).
- ↑ «Añu Internacional de l'Agricultura Familiar». Archiváu dende l'orixinal, el 3 d'agostu de 2012. Organización de les Naciones Xuníes
Enllaces esternos
editar
Wikimedia Commons acueye conteníu multimedia sobre Añu Internacional de l'Agricultura Familiar.- Sitiu Oficial del Añu Internacional de l'Agricultura Familiar
- L'agricultura familiar n'Arxentina
Datos: Q5715403- Multimedia: International Year of Family Farming
