A la pe ye un xuegu tradicional pa la comia.

A la pe
Xéneru xuegu
[editar datos en Wikidata]

La mecánica del xuegu, qu'ha de tener al menos tres participantes, ye cenciella y nun faen falta elementos esternos. Ún de los participantes fai de madre, sentándose nuna piedra o una siella. El segundu arrodíyase enfrente guardando la tiesta nel so somantu ensin que pueda ver a los demás. El restu de los xugadores canten:

A la pe,
A la me.
A la corneta.
Corné.
Al xunclu maduru;
Adivina, Xuan cornudu,
cuántos deos tienes sobre'l culu.[1]

Depués d'esti cantar, ún de los neños que tán detrás del neñu arrodiyáu pon-y ún, dos, trés o más deos sobre la espalda y, si esti acierta cuántos son, toca-y quédase al que los punxo; pero si s'enquivoca, los demás canten:

Si dixeres dos, tres o los que seyan,
Nun pasarás tantu mal
Como tienes que pasar
A la pe,
A la me.[1]

ReferenciesEditar

  1. 1,0 1,1 (2004) Diccionario Enciclopédico del Principado de Asturias Tomo 1. Ediciones Nobel.

Enllaces esternosEditar