Abellugu de la Renclusa

L'Abellugu de la Renclusa ye un abellugu de monte asitiáu na aguada norte del macizu de la Maladeta, el más altu de la fastera sur del Pirinéu. Alministrativamente ta nel conceyu de Benasque, nel nordeste de la provincia d'Uesca, España. Tien una capacidá de 93 places y ye'l puntu de partida más común pa xubir al picu Aneto (3404 msnm), el más altu de los Pirineos, lo que-y convierte n'unu de los más importantes del cordal. Ta asitiáu a 2140 metros sobre'l nivel del mar y apuértase por aciu un senderu que sale de La Besurta, una área recreativa a la que puede aportase n'autobús de llinia, asitiada a pocu más de 1900 metros d'altitú.

Abellugu de la Renclusa
abellugu de monte
Llocalización
País	España
Autonomía	Aragón
Provincia	provincia d'Uesca
Conceyu	Benasque (es)
Llugar físicu	Parque natural Posets-Maladeta (es)
Coordenaes	42°40′N 0°39′E
Abellugu de la Renclusa Abellugu de la Renclusa (España)
Altitú	2140 m
Historia y usu
Apertura	1916
Aforu	92
Instalaciones
Cama	92
Web oficial

Descripción

Abellugu de la Renclusa.

L'abellugu de la Renclusa ta xestionáu pola Federación Aragonesa de Montañismo (FAM), el Conceyu de Benasque y el Centru Escursionista de Cataluña (CEC), y guardáu por Antonio Lafon. En 1912 construyóse un pequeñu abellugu de monte nel llugar qu'ocupa l'actual, ampliáu y remocicáu delles vegaes. Anguaño cunta colos siguientes servicios:

• 93 cames.
• Cobertores.
• Agua corriente.
• Retretes dientro del abellugu.
• Chigre y serviciu de comíes.
• Serviciu de guíes.
• Arriendu de material.
• Teléfonu y sistema de telecomunicaciones pa socorru.
• Guardáu tol añu.

Atópase a los pies del macizu de les Maladeta, y ye'l nucleu habitáu más altu de dichu macizu. Lleva'l nome de La Renclusa porque ta so la Tuca de la Pleta de la Renclusa, dacuando embrivida como "Tuca de la Renclusa" y correutamente llamáu Picu de la Renclusa, que s'alza hasta los 2679 metros d'altitú.

Pel iviernu, de xemes en cuando sotiérrase enteru pola nieve, y ye abegoso estremalu del paisaxe blancu, una y bones les nevaes ellí, a partir d'ochobre y payares son normales, hasta aproximao mayu. El periodu de xelaes entiende d'ochobre a inclusive xunu, y tolos años baxa de -15 graos, inclusive se llegó a -20, lo que convierte al abellugu nun abellugu con clima d'altu monte. La Renclusa tien estación meteorolóxica propia, de la rede NIMET de l'Axencia Estatal de Meteoroloxía -AEMET-, que pueden consultase nel parte diariu de NIMET, previu pagu. Anque, magar ye ciertu, los datos son irregulares, yá que, non tolos díes les condiciones d'accesibilidá son les meyores, asina que nun puede haber continuidá del 100% nos datos.

Enllaces esternos

• Wikimedia Commons acueye conteníu multimedia sobre Abellugu de la Renclusa.

• Datos: Q390006
• Multimedia: Refugio de la Renclusa