Acordión diatónicu

L'acordión diatónicu a botones ye un preséu de la familia de los aerófonos de llingüeta llibre. Estrémase del acordión cromáticu porque la so estructura musical depende de delles escales determinaes.

Acordión diatónicu
[editar datos en Wikidata]

Acordión diatónicu de dos lletres.

Nun llau tien los baxos y acordes que davezu s'usen p'acompañar la música o melodía que s'interpreta nel otru llau. Los acordiones diatónicos hailos d'una, dos y trés llinies. Una llinia tien 10 o 11 botones.

A diferencia del acordión cromáticu (tamién conocíu como acordión pianu, magar qu'esisten acordiones cromáticos de botones), la nota del mesmu botón (tecla redonda) nun diatónicu camuda dependiendo si l'aire sale o entra. Esto ye, si se zarra'l fuelle o s'abre.

Del númberu d'escales que remana va depender el númberu de "llinies" nel diapasón del acordión. L'acordión diatónicu empezó con una "llinia", depués ameyoró a dos y finalmente evolucionó a trés.

Acordión de trés lletres.

Ver tamién

• Acordión
• Acordión cromáticu
• Bandoneón
• Concertina

Enllaces esternos

• Wikimedia Commons acueye conteníu multimedia sobre Acordión diatónicu .

• Datos: Q379269
• Multimedia: Diatonic button accordions