Adhyayana

Adhyayana
Información xeneral
	[editar datos en Wikidata]

Adhyayana ye una plataforma d'evidencies científiques dedicada a la educación. Dende un enfoque dialóxicu persigue la identificación d'evidencies científiques nel campu de la educación y el desmentíu de los bulos que s'esparden ensin evidencies. Ye una de les ferramientes que ta dinamizando la cocreación del conocimientu científicu nel campu de la educación al poner en contautu a persones dedicaes a la investigación científica y a persones que tienen interés nesti campu^[1].

Nesta plataforma, la ciudadanía pue plantegar les sos duldes respeutu a la educación y apurrir evidencies científiques avalaes internacionalmente (pentemedies de publicaciones científiques indexaes nos corpus de referencia) o bien testimonios que cuestionen o fortalezan una idea. D'esti xeitu, preténdese espardir la evidencia científica y evitar la desinformación^[2]. La plataforma facilita'l diálogu de la ciudadanía cola comunidá científica y apurre una vía d'intercambiu d'evidencies y esperiencies pa llograr l'accesu a la ciencia de toles persones y l'impactu social de les evidencies nun campu tan relevante como'l de la educación.

Participación

Cualesquier persona pue participar nesta plataforma consultando los temes que-y seyan d'interés. Pa incluyir publicaciones n'Adhyayana ye abondo con rexistrase de baldre y entamar un "post" nuevu nel que s'abra un tema entá nun plantegáu na plataforma; o participar nun alderique apurriendo referencies científiques validaes, o espublizar dalgún testimoniu relacionáu col tema sobre'l que se trate.

Cada vez que s'abre un tema nuevu, entama un diálogu na comunidá pa fixar si la afirmación propuesta ye un bulu, si tien evidencia científica, si necesita más evidencia o si esiste controversia na comunidá científica al respeutu d'esa cuestión.

Temes

N'Adhyayana recuéyense dellos temes y la plataforma siempre ta abierta a l'apaición de cuestiones nueves. Los principales temes sobre los que se recueyen evidencies científiques n'educación y diálogos al rodiu d'elles son: diversidá étnica, sociocultural y económica, éxitu educativu, bienestar y superación de la violencia, contestos y ferramientes dixitales y les sos consecuencies, inclusión y sofitu a les necesidaes educatives especiales, educación sexual y de xéneru, asignatures, profesoráu, y antecedentes teóricos y científicos^[3].

Referencies

↑ Flecha, Ramón. «The Time of dialogic sociology». International sociology. doi:10.1177/02685809221111890.
↑ Valls-Carol, Rosa. «Citizen Debates in Social Networks about Didactic Resources for Mathematics». International Journal of Environmental Research and Public Health. doi:10.3390/ijerph182111686.
↑ «Evidence and hoaxes by themes – Scientific Evidence Platform» (en inglés estadounidense). Consultáu'l 23 de febreru de 2023.

Enllaces esternos

Web oficial

[1] Flecha, Ramón. «The Time of dialogic sociology». International sociology. doi:10.1177/02685809221111890.

[2] Valls-Carol, Rosa. «Citizen Debates in Social Networks about Didactic Resources for Mathematics». International Journal of Environmental Research and Public Health. doi:10.3390/ijerph182111686.

[3] «Evidence and hoaxes by themes – Scientific Evidence Platform» (en inglés estadounidense). Consultáu'l 23 de febreru de 2023.

[1]

[2]

[3]