Agrupación de Sociedaes Asturianes de Trabayu Asociáu y d'Economía Social

Agrupación de Sociedaes Asturianes de Trabayu Asociáu y d'Economía Social
Direición	España

L'Agrupación de Sociedaes Asturianes de Trabayu Asociáu y d'Economía Social (ASATA) ye una federación de cooperatives y sociedaes llaborales asturiana que los sos fines son la defensa de los intereses de les empreses de trabayu asociáu (como cooperatives de producción y sociedaes llaborales), según la prestación de servicios que sirvan pal desarrollu y afitamientu d'eses empreses carauterístiques de la economía social.

Los oxetivos de ASATA inclúin:

Representación y defensa de los intereses empresariales de les sociedaes llaborales, cooperatives de trabayu asociáu y demás empreses que la so organización y propiedá tea participada mayoritariamente polos trabayadores.
Informar, asesorar y sofitar a los sos asociaos nes necesidaes de xestión.
Entamar cursos y seminarios coles mires de potenciar la promoción empresarial y favorecer el desarrollu personal de los sos integrantes.
Espublizar, promover y collaborar con iniciatives y programes que contribuyan al desarrollu y afitamientu de les empreses de la economía social y la xeneración d'empléu.

ASATA ye miembru de la Confederación Española de Cooperatives de Trabayu Asociáu (COCETA) y de la Confederación Empresarial de Sociedaes Llaborales d'España (CONFESAL), y al traviés d'éstes de la Confederación Empresarial Española de la Economía Social (CEPES). CEPES y COCETA rellacionen a ASATA cola Alianza Cooperativa Internacional (ACI).

Referencies

Enllaces esternos