Wikipedia

Aguascalientes

Aguascalientes (oficialmente Estado Libre y Soberano de Aguascalientes) ye ún de los 31 estaos que, xunto cola Ciudá de Méxicu, formen los Estaos Xuníos Mexicanos. Asitiáu alredor del meridianu 22°N y con un altor mediu de 1.950 m sobre'l nivel del mar[1], ye de clima predominantemente semiáridu (climes Bhs y Bhk de la clasificación de Köppen). Allúgase na fastera septentrional de la rexón de Bajío, nel centru-norte del país, y llenda con Zacatecas al norte, este y oeste, y con Jalisco al sur. En 2019 la so población, la mayoría de la cual vivía na so capital y ciudá principal, Aguascalientes, yera de 1,4 millones d'habitantes[2].

Aguascalientes
Alministración
PaísBandera de Méxicu Méxicu
ISO 3166-2 MX-AGU
Tipu d'entidá estáu de Méxicu
Capital Aguascalientes
Gobernador d’Aguascalientes Carlos Lozano de la Torre
Nome oficial Aguascalientes (es)
Nome llocal Aguascalientes (es)
División
Xeografía
Coordenaes 22°03′N 102°18′W / 22.05°N 102.3°O / 22.05; -102.3
Superficie 5617.8 km²
Llenda con Zacatecas y Jalisco
Altitú media 1926 m
Demografía
Población 1 312 544 hab. (2015)
Densidá 233,64 hab/km²
Más información
Estaya horaria UTC−06:00
Fundación 1835
aguascalientes.gob.mx
Cambiar los datos en Wikidata

Aguascalientes, que recibe'l so nome por l'abondanza de fontes d'agües termales esistentes nel territoriu, ye ún de los estaos más pequeños de Méxicu: concretamente, el 27ᵘ por población y el 29ᵘ por estensión[1]. Sicasí, ye'l 4ᵘ con mayor densidá de población del país[1], y el so desarrollu económicu de los caberos años ficieron d'elli el 7ᵘ con mayor desarrollu humanu[3] y el 8ᵘ con mayor renta per cápita[4]. Ye, en fin, ún de los más seguros y prósperos del país[5].

Históricamente l'estáu tenía sonadía pola so industria testil y del ferrocarril, y tamién pola industria vinícola, qu'entá sigue siendo importante. Anguaño, tien un sector industrial diversificáu, que tira con fuercia de la economía d'un estáu que foi'l que más medró del país na década de 2010[6], y celébrase nelli la Feria Nacional de San Marcos, la mayor del país y una de les mayores d'América Llatina[7][8].

División alministrativa editar

El territoriu del estáu divídese en 11 conceyos (municipios).

Códigu

del INEGI

Conceyu Capital del conceyu Estensión (km²) Población (2020)
001 Aguascalientes Aguascalientes 1178,85 948.990
002 Asientos Asientos 547,22 51.536
003 Calvillo Calvillo 932,62 58.250
004 Cosío Cosío 129,21 17.000
005 Jesús María Jesús María 506,32 129.929
006 Pabellón de Arteaga Pabellón de Arteaga 199,72 47.646
007 Rincón de Romos Rincón de Romos 376,77 57.369
008 San José de Gracia San José de Gracia 866,08 9.552
009 Tepezalá Tepezalá 231,70 22.485
010 El Llano Palo Alto 509,77 20.853
011 San Francisco de los Romo   San Francisco de los Romo   139,54 61.997
 
Conceyos d'Aguascalientes, identificaos pol so códigu INEGI.

Referencies editar

  1. ↑ 1,0 1,1 1,2 INEGI (2016-01-01). «México en Cifras» (castellanu). Consultáu'l 2020-01-06.
  2. ↑ Nuño, Eugenio Herrera (2018-12-26). «Aguascalientes: Cierre 2018 y futuribles 2030/ El Apunte» (castellanu). Consultáu'l 2020-01-06.
  3. ↑ «Sub-national HDI – Subnational HDI – Global Data Lab». Consultáu'l 2020-01-06.
  4. ↑ (2019) En cifras, ¿cómo vamos? 2019 (en castellanu), páx. 41.
  5. ↑ «International Living».
  6. ↑ Espinosa, Camila Ayala. «Aguascalientes, con el mayor crecimiento económico del país» (castellanu). Consultáu'l 2020-01-06.
  7. ↑ «Aguascalientes prepares for one of world's 10 largest fairs» (2019-04-17). Consultáu'l 2020-01-06.
  8. ↑ «The San Marcos Fair in Aguascalientes – Doña Cholita Tortilleria». Consultáu'l 2020-01-06.

Enllaces esternos editar

Sacáu de «https://ast.wikipedia.org/w/index.php?title=Aguascalientes&oldid=4153019»