Alderaan
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Alderaan ye un planeta del universu de La Guerra de les Galaxes. Apaez na película «Revenge of the Sith, Episodiu III» y «A New Hope, Episodiu IV» de la saga.
- Sistema: Sistema Alderaan
- Tipu: Terrestre
- Satélites naturales: 0
- Diámetru: 5500 km
- Periodu orbital: 289 díes
- Periodu de rotación: 29 hores
(movimientu retrógradu)
- Tarrén: Campes y pequeños mares y viesques
- Atmósfera: Alendable
- Gravedá: Estándar
- Tribes: Humanos
- Llingua: Básicu
- Población: 1.970.000.000
Alderaan foi, enantes que polos humanos, habitada polos nativos inseutoides killiks. Estes criatures crearan pergrandes torres-colmenes nuna escampada d'herba que pasaría ser nomada Tierres del Castiellu. Por desgracia los killiks estinguiéronse. N'Alderaan había unes ocho mil clases d'herba y los animales más conocíos que les comíen yeren:
- Los herberos: Teníen seis pates y convivíen con killiliks y llueu con humanos, que los crearon en granxes y s'alimentaron d'ellos.
- Los bandobos: Besties alaes herbívores.
Otros animales yeren los pexes llincerna que nalaben pelos ríos de plata y los thrantas (criatures-alaes emplegaes como mediu de tresporte).
Alderaan colonizóse por humanos 27.000 años enantes de la batalla de Yavin y dos mil años enantes de la creación de la República Galáutica. Cuando los humanos aportaron, namái sabíen de les industriales ciudaes de Coruscant y dalgún otru planeta cercanu. Poro, decidieron cudiar les tierres na so mayoría verdes y azules. Non sólo eso, decidieron construyir ciudaes monumentu acordies al preciosu paisax. Les más conocíes son:
- Ciudá Refalla: Foi construyida nun cañón y simplemente talláronse o escarváronse les sos muries pa espetar nelles viviendes o torres con cristaleres púrpures acordies coles muries de piedra dorada.
- Ciudá Terranium: La obra más guapa d'Alderaan. Enanchando y sellando una depresión natural enllenáronla de líquidu especial que ceo ensugó. Depués dende la órbita bombardiaron con láseres de precisión el llíquidu y tallaron cais y edificios. Per últimu cubrieron la so obra con trespariaceru y enxertaron nél torres y aguyes perguapes.
- Ciudá Aldera: La capital. Un meteoritu abriera un furacu que convirtióse nun llagu. Los colonos construyeron una islla nel centru y cubriéronla de verde. Milenios depués Aldera yera una islla verde con edificios en forma de torres cilíndriques o con forma de cúpules coneutaes ente sí y con teyaos n'ocasiones chaplos nos que s'enxertaben otres cases o xardinos. Pa salir y entrar de la islla utilizábense les carreteres soterránies de la ciudá y salíase a una autopista sobre l'agua del llagu.
Los habitantes d'Alderaan yeren conocíos en tola Galaxa pola so conciencia ecolóxica. Ye la sociedá más pacífica de tola galaxa, nun tienen nin armes nin exércitos. Incluso la caza por deporte nun ta permitida.
