Alderique:Bolos

Los bolos tarién meyor catalogaos como deporte envede xuegos, considerense deporte y tienen federación propia (non como los xuegos tradicionales)

Al tar na categoría Deportes d'Asturies ya tan na categoría de Deportes (anque quizá habría que ponelos tamién na xeneral). El conceptu de deporte ye bien difícil de definir. Hasta principios del sieglu XX nun se practiquen los deportes como los entendemos agora, y si los bolos va tantos años que se lleven xugando tamién se puen considerar como xuegos. Pero bueno, esta ye una discusión interminable. ¿L'axedrez ye un xuegu o un deporte? Pa algunos un deporte ye "lo que te fae sudar", pa otros cualquier cosa onde compitas con unes normes... Yo creo que la xente nos pueblos cuando echa una partida a los bolos nun piensa "voy facer deporte" sinon "voy xugar una partidina". --Omarete (mensaxes) 16:33, 20 avientu 2005 (UTC)

Ya ho, pero tamien los griegos hechaben carreres haz milenta d'años y l'atletismu nun dexa ser deporte, amás l'articulo puede considerase un entamu ya que namás falase de modalidaes asturianes y el bowling, y ye muncho más que eso (nun tendría cabida entos en Deportes d'Asturies)

A min paezme que la categoría había de ser "deporte" a seques. Nos periódicos, por exemplu, les informaciones sobre los bolos apaecen na seición de deportes, y como dixo daquién hai una Federación específica pa ellos. Por ciertu, que tamién me paez qu'hai n'Asturies una Federación de Deportes Tradicionales na que s'incluin modalidaes (deportives ?) como la rana o la corta de tueros.

Nel artículu solo falé de los bolos n'Asturies, porque ye lo que meyor conozo y de lo qu'atopé información. Sicasí, catalogar los bolos como deporte asturianu paezme un poco esaxerao, porque ye un deporte que se practica en munchos sitios más y, polo que tengo entendío, nun ta inventáu equí. Bien ye verdá que tien bastante arraigu n'Asturies y qu'hai modalidaes que son especificamente asturianes, pero nun hai más razón pa incluyilu ente los deportes asturianos qu'el fútbol por casu. Y por supuestu que l'artículu ha de completase con otres modalides de bolos de fuera d'Asturies.

Pola mesma razón, quite l'apellidu "asturianos" na rúbrica deportes tradicionales que tenía fecho daquién nel artículu deporte Motán 18:00, 20 avientu 2005 (UTC)

Lo de que tien que tar en Deportes directamente ye verdá. Pero l'otru... ¿El mus ye un deporte o un xuegu? Apaez na sección de deportes de los periódicos xD. Que conste que toi faciendo d'abogáu del diablu, yo tamién pienso que lo más fácil ye dexalu en deportes, pero ye qu'hai que tener clara la so definición. Esta ye una cosa que tengo discutía colos mis collacios bastantes vegaes y quería saber la vuestra opinión. --Omarete (mensaxes) 23:52, 20 avientu 2005 (UTC)