Alministración pública
Esti artículu necesita wikificase. |
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Por Alministración pública, polo xeneral, entiéndese a la organización integrada per un personal profesional, dotada de medios económicos y materiales públicos que pon en práutica les decisiones tomaes pol gobiernu. Compónse de tou lo que la fai efectiva: funcionarios y edificios públicos, ente otros. Pola so función, ye'l enlaz ente la ciudadanía y el poder políticu. Ensin embargu, nun solo existe Alministración Pública nel Poder Executivu, sinón en gran parte'l Estáu e inclusive n'entes privados que desempeñen funciones alministratives por habilitación del Estáu. Del llatin "ad-ministrare", que significa servir, o de "ad manus traher" qu'alude a la idea de manexar o xestionar.
| Alministración pública | |
|---|---|
| disciplina académica | |
función pública (es)  | |
 |
Pero el conceutu d'Alministración Pública pue ser entendíu dende dos puntos de vista. Dende un puntu de vista formal, entiéndese a la entidá qu'alministra, o seya, al organismu públicu que recibe del poder políticu la competencia y los medios necesarios pa la satisfacción de los intereses xenerales. Dende un puntu de vista material, entiéndese más bien l'actividá alministrativa, o seya, l'actividá d'esti organismu consideráu nos sos problemes de xestión y d'existencia propia, tanto nes sos rellaciones con otros organismos semexantes comu colos particulares pa asegurar la execución de la so xera.
L'Alministración tien una serie de prerrogatives que la coloquen nuna posición superior a la del alministráu. Ente dichos poderes destaquen:
- La interpretación unilateral de contratos.
- La executividá de los actos alministrativos (per exemplu, el cobru de multes pol procedimientu d'apremiu). Ye decir, los actos de l'alministración deben cumplise, son obligatorios, y l'alministración tá autorizada pa imponelos unillateralmente a los particulares.
- El sometimientu a una xurisdicción especializada, la xurisdicción Contenciosu-Alministrativa.
- La potestá expropiatoria, consistente na adquisición pola alministración, a traviés del correspondiente procedimientu, de bienes y derechos de particulares, col oxetu de dar cumplimientu a una finalidá d'interés públicu o social.
Referencies
editarEnllaces esternos
editar
Wikimedia Commons acueye conteníu multimedia sobre Alministración pública.
Datos: Q31728- Multimedia: Public administration
