Ammodytes tobianus
El pixilín[3] (Ammodytes tobianus) ye una especie de pexe actinopeterixu marín, de la familia de los ammodítidos.[4][5][6]
Ammodytes tobianus pixilín  | ||
|---|---|---|
 | ||
| Estáu de caltenimientu | ||
 Datos insuficientes (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Actinopterygii | |
| Orde: | Perciformes | |
| Familia: | Ammodytidae | |
| Xéneru: | Ammodytes | |
| Especie: |
A. tobianus Linnaeus, 1758.[2] | |
| Sinonimia | ||
Ammodytes lancea Cuvier, 1829 | ||
| Consultes | ||
| [editar datos en Wikidata] | ||
La so pesca ye habitual y bien comercial, arriendes de p'alimentación humano úsase como cebu pa la pesca de pexes mayores.[5]
Morfoloxía
editarDe cuerpu bien allargáu y delgáu cola espadalda típicamente de color marrón-sable, y suel trafulcase col llongarón (Hyperoplus lanceolatus), con unu llargor máximu descritu de 20 cm.[5] Nun tienen escayos nes aletes, con unos 49 a 58 radios blandos na aleta dorsal y 24 a 32 nel añal; con escames na llinia media anterior a l'aleta dorsal y sobro la musculatura na base de l'aleta caudal; los márxenes de les aletes dorsal y añal rectes con radios d'igual llargor; llinia llateral de poros alliniaos en filera a lo llargo de canales non ramificaes.[5]
Esisten dos grupos d'esfriega de güevos distintivos pero de cutiu simpátricos na so área de distribución, pero nun se-yos dio'l estatus de subespecie, anque los grupos reproductores difieren nel númberu de vértebres (el de seronda más alta que'l de la primavera), estructura d'otolitos y probablemente hábitats.[5]
Bioloxía
editarSon pexes territoriales, qu'alternen ente escondese soterraos nel sustratu de sable y nadar en cardume na masa d'agua.[7][5] Los adultos aliméntense de zooplancton y delles diatomees grandes.[5] Ivierna pel hibiernu soterráu en sable a fondures de 20 a 50 cm.[8]
Distribución y hábitat
editarDistribúise peles mariñes del océanu Atlánticu nororiental, dende Murmansk hasta la península ibérica, incluyendo Islandia y el mar Bálticu, asina como pel mar Mediterraneu.[9][10] Son pexes marinos d'agües templaes de comportamientu demersal, que prefieren fondures ente 1 m y 96 m.[11] El so hábitat son les agües costeres, especialmente nes badees arenoses y nes sableres, incluyida la zona intermareal y los estuarios, escasamente n'alta mar.[5]
Referencies
editar- ↑ Collette, B., Fernandes, P. y Heessen, H. (2014). «Ammodytes tobianus» (inglés). Llista Roxa d'especies amenazaes de la UICN 2016-3. Consultáu'l 7 de marzu de 2017.
- ↑ Linnaeus, C., 1758. «Systema Naturae per regna tria naturæ, secundum classes, ordines, genera, species, cum characteribus, differentiis, synonymis, locis, Tomus I». Editio decima, reformata. Holmiæ: impensis direct. Laurentii Salvii. i–ii, 1–824 pp
- ↑ URL de la referencia: http://www.sabencia.net/nomenclator.php.
- ↑ Crespo, J., J. Gajate y R. Ponce, 2001. «Clasificación científica e identificación de nombres vernáculos existentes en la base de datos de seguimiento informático de recursos naturales oceánicos». Instituto Español de Oceanografia, Madrid, España. 414 p.
- ↑ 5,0 5,1 5,2 5,3 5,4 5,5 5,6 5,7 Bauchot, M.-L., 1987. «Poissons osseux». p. 891-1421. En W. Fischer, M.L. Bauchot y M. Schneider (eds.) Fiches FAO d'identification pour les besoins de la pêche. (rev. 1). Méditerranée et mer Noire. Zone de pêche 37. Vol. II. Commission des Communautés Européennes and FAO, Roma.
- ↑ (1994) Fishes of the world, 3ª (n'inglés), Nueva York: John Wiley & Sons, Inc..
- ↑ Arias, A. y P. Drake, 1990. «Estados juveniles de la ictiofauna en las caños de las salinas de la bahía de Cádiz». Instituto de Ciencias Marinas de Andalucía. CSIC.
- ↑ Muus, B.J. y J.G. Nielsen, 1999. «Sea fish». Scandinavian Fishing Year Book, Hedehusene, Dinamarca. 340 p.
- ↑ Reay, P.J., 1986. «Ammodytidae». p. 945-950. En P.J.P. Whitehead, M.-L. Bauchot, J.-C. Hureau, J. Nielsen y E. Tortonese (eds.) Fishes of the north-eastern Atlantic and the Mediterranean. UNESCO, París. Vol. 2.
- ↑ Riehl, R., 1978. «Zur Fischfauna von Ibiza, Balearen». Senckenbergiana biol. 59:173-182.
- ↑ Ocean Biogeographic Information System, 2006. OBIS-extracted Depth Data. Harvested by E.Agbayani July 2006 at www.iobis.org.
Enllaces esternos
editar| Wikispecies tien un artículu sobre Ammodytes tobianus. |
Wikimedia Commons acueye conteníu multimedia sobre Ammodytes tobianus.- Sistema Integráu d'Información Taxonómica. «Ammodytes tobianus (TSN 171676)» (inglés).
- AQUATAB.NET
Datos: Q1536887- Multimedia: Ammodytes tobianus
Especies: Ammodytes tobianus
