Amperiu

L'amperiu o ampere ye la unidá d'intensidá de corriente llétrica. Forma parte de les unidaes básiques nel Sistema Internacional d'Unidaes y foi nomáu asina n'honor d'André-Marie Ampère. Equival a una intensidá de corriente tal que, al circular por dos conductores paralelos, reutillínios, de llonxitú infinita, de seición circular despreciable y separtaos ente sí, nel vacíu, una distancia d'un metru, produz una fuercia ente los conductores de 2 x 10^-7 newtons por cada metru de conductor. Represéntase col símbolu A.

Amperiu
Unidaes básiques del Sistema Internacional, unidá derivada en UCUM y unit of electric current (en)

A la carga que tresporta una corriente d'un amperiu nún segundu denómase-y Culombiu. Según la llei d'Ohm, un amperiu equival a una diferencia de potencial d'un voltiu dividíu ente una resistencia d'un Ohmiu. Faciendo referencia a la potencia, la intensidá equival a la raíz cuadrada de la potencia dividida pola resistencia. Nún circuitu que caltenga dellos xeneradores y receutores, la intensidá ye igual a: $I={\frac {\Sigma \ {\mathcal {E}}-\Sigma \ {\mathcal {E}}'}{\Sigma \ R+\Sigma \ r+\Sigma \ r'}}$ au Σε ye'l sumatoriu de les fuercies eleutromotrices del circuitu, Σε' ye la suma de toles fuercies escontraeleutromotrices, ΣR ye la resistencia equivalente del circuitu, Σr ye la suma de les resistencies internes de los xeneradores y Σr' ye'll sumatoriu de les resistencies internes de los receutores.

Múltiplos del amperiu

Amuésase darréu una tabla de los múltiplos y submúltiplos del amperiu conforme a la nomenclatura del Sistema internacional d'unidaes:

Múltiplos del Sistema Internacional pa amperiu (A)

Submúltiplos				Múltiplos
Valor	Símbolu	Nome		Valor	Símbolu	Nome
10−1 A	dA	deciamperiu		101 A	daA	decaamperiu
10−2 A	cA	centiamperiu		102 A	hA	hectoamperiu
10−3 A	mA	miliamperiu		103 A	kA	kiloamperiu
10−6 A	µA	microamperiu		106 A	MA	megaamperiu
10−9 A	nA	nanoamperiu		109 A	GA	gigaamperiu
10−12 A	pA	picoamperiu		1012 A	TA	teraamperiu
10−15 A	fA	femtoamperiu		1015 A	PA	petaamperiu
10−18 A	aA	attoamperiu		1018 A	EA	exaamperiu
10−21 A	zA	zeptoamperiu		1021 A	ZA	zettaamperiu
10−24 A	yA	yoctoamperiu		1024 A	YA	yottaamperiu
Prefixos comunes d'unidaes tán en negrina.

Enllaces esternos

• Wikimedia Commons acueye conteníu multimedia sobre Amperiu.

• Datos: Q25272
• Multimedia: Ampere (unit)