Amy Brenneman

actriz estauxunidense
12-05-2021 14:29

Amy Frederica Brenneman (22 de xunu de 1964New London) ye una actriz d'Estaos Xuníos. Ye conocida poles sos actuaciones nes series de televisión NYPD Blue, Judging Amy y Private Practice.

Amy Brenneman
Vida
Nacimientu New London22 de xunu de 1964 (59 años)
Nacionalidá Bandera de Estaos Xuníos d'América Estaos Xuníos
Llingua materna inglés
Familia
Casada con Brad Silberling (1995 – )
Estudios
Estudios Universidá de Harvard
Glastonbury High School (en) Traducir
Llingües falaes inglés[1]
Oficiu actriz, actriz de televisión, actriz de cine, productoraguionista
Premios
IMDb nm0000312
theamybrenneman.com…
Cambiar los datos en Wikidata

Biografía editar

Primeros años editar

Brenneman nació en New London (Connecticut), fía de Frederica, una xuez que trabayó na Corte Suprema del Estáu de Connecticut, y de Russell L. Brenneman, un abogáu ambiental.[2] Crióse en Glastonbury, onde participó en teatru na escuela, y nun grupu teatral llocal. Brenneman graduóse na Universidá de Harvard en 1987, au estudió relixón comparada. Mientres estudiaba en Harvard, foi una de les co-fundadores de la Cornerstone Theater Company, cola que fizo xira mientres dellos años depués de la so graduación.[3]

Carrera editar

Nel so primer rol televisivu, Brenneman interpretó a la policía Janice Licalsi na serie NYPD Blue. Brenneman foi un personaxe recurrente mientres la primer temporada del show (1993–1994) y mientres los primeros episodios de la segunda temporada. Foi nomada al Premiu Emmy a la meyor actriz de repartu nuna serie dramática en 1994 y al Emmy a la meyor actriz convidada nuna serie dramática en 1995.

Depués d'abandonar NYPD Blue, Brenneman apaeció en delles películes, incluyendo Casper, Heat, Fear, Daylight y Nevada. Tamién tuvo un papel recurrente na serie televisiva Frasier mientres la temporada 1998-1999.

En 1999, Brenneman creó la serie Judging Amy, de la que tamién foi productora executiva y actriz principal. Brenneman interpretaba a una madre soltera trabayando como xuez na Corte Familiar en Hartford (Connecticut). La serie caltúvose en CBS mientres 6 temporaes y 138 episodios dende'l 19 de setiembre de 1999 hasta'l 3 de mayu de 2005.

En marzu de 2007, Brenneman foi escoyida pa co-protagonizar el spin-off de Grey's Anatomy, Private Practice.[4]

Vida personal y actividá política editar

En 1995, Brenneman casóse col direutor Brad Silberling. Dambos son cofundadores de la Cornerstone Theater Company Inc. en Los Angeles.[5] La pareya tien dos fíos: Charlotte Tucker (n. 2001) y Bodhi Russell (n. 2005).

Brenneman, que ye Pro-eleición, robló'l pidimientu "We Had Abortions" qu'apaeció na revista Ms. n'ochobre de 2006.[6] El pidimientu contenía la robla de más de 5.000 muyeres declarando que tuvieren un albuertu y que nun taben avergoñaes de la decisión que tomaron.

En xunetu de 2008, Brenneman foi nomada como candidata pola faición Unite for Strength pa una posición na xunta nacional del Screen Actors Guild nes eleiciones del 18 de setiembre de 2008.[7] La nominación foi esitosa.[8]

Filmografía editar

Referencies editar

  1. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  2. «Amy Brenneman Biography» (inglés). Yahoo! Movies (2008). Consultáu'l 23 de payares de 2008.
  3. Collins, Julia. «Brennemans on the Bench» (inglés). Harvard Law Bulletin. Consultáu'l 23 de payares de 2008.
  4. Andreeva, Nellie (13 de marzu de 2007). «New Pilots Cast: Applegate, Brenneman» (inglés). Back Stage. Consultáu'l 23 de payares de 2008.
  5. «WEDDINGS;Amy Brenneman, Bradley Silberling» (inglés). The New York Times (1 d'ochobre de 1995). Consultáu'l 23 de payares de 2008.
  6. Crary, David (3 d'ochobre de 2006). «Women Sign "We Had Abortions" Petition» (inglés). Breitbart.com. Consultáu'l 23 de payares de 2008.
  7. Reuters (25 de xunetu de 2008). «Hollywood actors' union cares internal rift» (inglés). ABC News. Consultáu'l 23 de payares de 2008.
  8. «National Board of Directors 2008 - 2009». Screen Actors Guild. Consultáu'l 23 de payares de 2008.

Enllaces esternos editar