Aniellu d'Oru de Rusia
El Aniellu d'Oru de Rusia ye una zona turística qu'inclúi un conxuntu de ciudaes de la rexón central de Rusia, al nordeste de Moscú. Nelles atópense distintos monumentos que representen la historia y la cultura d'esti país, principalmente ilesies, catedrales y monesterios. El Aniellu d'Oru de Rusia ye una franxa de terrenal particularmente fértil denomada opolié, qu'en rusu significa campu (en rusu, ополие). Dicha franxa xuega un papel de considerable importancia nel desarrollu económicu de Rusia. La riqueza d'esta tierra ye la razón pola que los Rus asitiáronse ellí mientres la Edá Media. La so posición xeográfica en rellación a les rutes fluviales tamién-y confier importancia estratéxica.
Les ciudaes atópense partíes en cinco óblast: óblast de Moscú, óblast d'Ivánovo, óblast de Kostroma, óblast de Vladímir y óblast de Yaroslavl Siendo verdaderos museos al campu, estes villes medievales guarden la memoria de los acontecimientos más importantes de la historia rusa. Les catedrales, ilesies, conventos, monesterios y museos de belles artes resulten estelantes pola so rellumanza y son testimoniu de la riqueza del patrimoniu rusu.
Aniellu d'Oru de Rusia
editar
Referencies
editarEnllaces esternos
editar