Anselmo González del Valle
Anselmo González del Valle y Carvajal (26 d'ochobre de 1852, L'Habana – 15 de setiembre de 1911, Uviéu) foi un compositor, pianista y recopilador de cantares y música popular asturianes. Foi hermanu del poeta Emilio Martín González del Valle y Carvajal, I Marqués de la Vega de Anzo.
Anselmo González del Valle | |
|---|---|
| Vida | |
| Nacimientu | L'Habana, 26 d'ochobre de 1852[1] |
| Nacionalidá |
 España |
| Muerte | Uviéu, 15 de setiembre de 1911[1] (58 años) |
| Familia | |
| Padre | Anselmo González del Valle y Fernández Roces |
| Estudios | |
| Estudios | Universidá d'Uviéu |
| Llingües falaes | castellanu |
| Oficiu | compositor, pianista, coleicionista, mecenes |
| Instrumentu musical | pianu |
 | |
Biografía
editarYera fíu d'Anselmo González del Valle y Fernández Roces, empresariu uvieín emigráu a Cuba onde s'arriqueció, lo que-y dexó dedicar se por entero a la so gran afición, la música, anque estudiara Lleis na Universidá d'Uviéu.
En 1883 l'Academia de les Belles Artes de San Salvador d'Uviéu creó la Escuela Provincial de Música debíu la so iniciativa y mecenalgu. En 1892 él mesmu foi nomáu presidente de l'academia, onde amás fundó y caltuvo una cátedra de violín.
Nel so palaciu d'Uviéu dábense cita aficionaos y músicos locales, como Saturnino del Fresno, Víctor Sáenz y Baldomero Fernández, y aldericábase, estudiábase y executábense pieces de música. Guardaba una bona coleición de preseos y una biblioteca musical de más de 20.000 volúmenes.
Estes xuntes son l'orixe de la Sociedá Filarmónica d'Uviéu, fundada en 1907, de la que foi sociu fundador y nomáu Presidente Honorariu.
Finó n'Uviéu'l 15 de setiembre de 1911
Bibliografía
editar- Casaprima Collera, Adolfo (1995). Una vida pa la música. Historia de la Sociedá Filarmónica d'Uviéu, 1907-1994 (en castellanu). Casaprima, Editor. ISBN 84-605-2458-2.
Referencies
editar- ↑ 1,0 1,1 Afirmao en: Proyecto Biblioteca Internacional de Partituras Musicales. Identificador IMSLP: Category:González_del_Valle,_Anselmo. Apaez como: Anselmo González del Valle. Data de consulta: 9 ochobre 2017.
Enllaces esternos
editar- vinu-de-cangas-1878--1901.html Anselmo González del Valle y Cangas. La modernización del vinu de Cangas, 1878 – 1901
- villa/1071-la cai-de-anselmo-del valle antigua-caleya-de-reigada.html La cai de Anselmo del Valle (antigua caleya de Reigada)
Datos: Q2877702
