Antonio Mercero
Antonio Mercero Juldain (7 de marzu de 1936, Lasarte-Oria – 12 de mayu de 2018, provincia de Guadalaxara) foi un direutor y guionista de cine y televisión español, conocíu sobremanera poles sos series Verano azul, Farmacia de guardia y Crónicas de un pueblo, y pol so premiáu telefilme La cabina.[5]
Antonio Mercero | |
|---|---|
.jpg) | |
| Vida | |
| Nacimientu | Lasarte-Oria, 7 de marzu de 1936[1] |
| Nacionalidá |
 España |
| Muerte | provincia de Guadalaxara, 12 de mayu de 2018[2] (82 años) |
| Causa de la muerte | Alzheimer |
| Familia | |
| Fíos/es | |
| Estudios | |
| Estudios | Universidá de Valladolid |
| Llingües falaes | castellanu[3] |
| Oficiu | direutor de cine, guionista |
| Premios |
ver
|
| IMDb | nm0580318 |
 | |
.svg){kind=small}
Trabayos nel cine editar
En 1960 filmó el so primera curtiu, La oveja negra. Darréu, consiguió un tituláu en direición na Escuela Oficial de Cinematografía en 1962; ese mesmu añu recibió nel Festival de San Sebastián la Concha d'Oru al meyor curtiumetraxe y el Premiu Perlla del Cantábricu por leición de arte. Un añu dempués, en 1963, dirixó'l so primer llargumetraxe, Se necesita chico, presentáu nel Festival de Bordighera (Italia). De 1966 a 1970 rodó dellos documentales para televisión.[6]
Ente les sos películes posteriores tán Las delicias de los verdes años (1976), los ésitos de taquilla La guerra de papá (1977) y Tobi (1978), La próxima estación (1982), Buenas noches, señor monstruo (1982), Espérame en el cielo (1988), Don Juan, mi querido fantasma (1990), La hora de los valientes (1998), Planta 4ª (2003) y ¿Y tú quién eres? (2007).
Trabayos en televisión editar
En 1970 empezó a realizar en TVE programes de ficción. Dirixó les series Verano azul, Crónicas de un pueblo, Este señor de negro, Farmacia de guardia y Manolito Gafotas, escritu por Elvira Lindo, que ye actriz en Planta 4ª.
Ye destacable la so película estrenada en televisión La cabina (1972), protagonizada por José Luis López Vázquez, pola que recibió una amplia reconocencia y numberosos premios, Los pajaritos (1974), con Julia Caba Alba y José Orjas, y Don Juan (1974).
Vida personal editar
Yera padre del direutor y productor cinematográficu Ignacio Mercero (1967), y del guionista de televisión Antonio Santos Mercero (1969). En 2006 foi-y detectada la enfermedá d'Alzheimer, y dende entós retiróse de la vida pública.
Premios editar
- Goya d'Honor de l'Academia en 2010.[7]
- Premiu al meyor direutor del Festival de Cine de Montreal de 2003 por Planta 4ª.
- Medaya d'Oru al Méritu nes Belles Artes (1997).
- Premiu Emmy de l'Academia Nacional de Televisión y Ciencies de Nueva York en 1973 por La cabina.
- Meyor programa dramáticu de la Canal 47 de Nueva York (1973).
- Premiu de la Crítica Internacional del Festival de Televisión de Montecarlu (1973).
- Premiu Marconi de Mifed de Milán (1973).
- Quixote d'Oru al Meyor Direutor (1972).
- Premiu Nacional (1972).
- Premiu Ondes (1972).
- Antena d'Oru (1972).
- Premiu TP d'Oru (1972).
- Mención Especial nel Festival de Cork (Irlanda).
- Premiu del Sindicatu Nacional del Espectáculu.
- Premiu na Bienal d'Arte de París en 1965 pola so práutica de fin de Carrera Trotín Troteras.
- Concha d'Oru y Perlla del Cantábricu nel Festival de Cine de San Sebastián de 1962 pol so curtiumetraxe leición de Arte.
Referencies editar
- ↑ Afirmao en: autoridaes BNF. Identificador BnF: 14569835v. Apaez como: Antonio Mercero. Autor: Biblioteca Nacional de Francia. Llingua de la obra o nome: francés.
- ↑ URL de la referencia: https://www.elmundo.es/cultura/cine/2018/05/12/5af6c34ce2704ec5468b460e.html.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Identificador del Boletín Oficial del Estado: BOE-A-1998-1449.
- ↑ «Muere Antonio Mercero a los 82 años». El País. 12 de mayu de 2018. ISSN 1134-6582. Consultáu'l 12 de mayu de 2018. Muere Antonio Mercero a los 82 años. 12 de mayu de 2018. ISSN 1134-6582. https://elpais.com/cultura/2018/05/12/actualidad/1526119629_431194.html. Consultáu'l 12 de mayu de 2018.
- ↑ Urkizu, Patri; Aguirre Sorondo, Juan. ETOR Enciclopedia Emblemática 14. Lasarte-Oria: OSTOA. p. X. ISBN 84-88960-80-8. Archivado desde el original el 19 de febreru de 2015.Urkizu, Patri; Aguirre Sorondo, Juan ETOR Enciclopedia Emblemática. Lasarte-Oria: OSTOA, páx. X. ISBN 84-88960-80-8.
- ↑ «Antonio Mercero, Goya de Honor 2009». El Mundo. 2 d'avientu de 2009. Consultáu'l 12 de mayu de 2018. Antonio Mercero, Goya de Honor 2009. 2 d'avientu de 2009. https://www.elmundo.es/elmundo/2009/12/02/cultura/1259751585.html. Consultáu'l 12 de mayu de 2018.
Enllaces esternos editar
- Parte del conteníu d'esti artículu foi tomáu de la Enciclopedia Emblemática ETOR] disponible nel Portal Open Data Euskadi so llicencia Creative Commons Reconocimiento 3.0.
- Antonio Mercero na Internet Movie Database (n'inglés) n'Internet Movie Database
- Filmografía y crítiques en FilmAffinity.
- Biofilmografía
| Predecesor: Jesús Hermida |
Presidente de l'ATV 1998-2000 |
Socesor: Ignacio Salas |
Datos: Q1530222
Multimedia: Antonio Mercero
