Aragón TV
Aragón TV (enantes conocida como Aragón Televisión) ye la marca comercial baxo la qu'opera Televisión Autonómica de Aragón, S.A. y la primer canal de la televisión autonómica pública aragonesa. Ta xestionáu pola Corporación Aragonesa de Radio y Televisión (CARTV), l'ente pública de radio y televisión de la Comunidá Autónoma d'Aragón.
| Aragón TV | |
|---|---|
| televisión autonómica | |
 | |
.jpg) | |
| Llocalización | |
| Sede | Aragón |
| Direición | España |
| Historia | |
| Fundación | 2006 |
| Organigrama | |
| Dueñu | Corporación Aragonesa de Radio y Televisión |
| Web oficial | |
 | |
El llogotipu d'Aragón TV consiste nuna "A" inclinada colorada y mariella, sobre un fondu prietu. Esti llogotipu ye similar al d'Aragón Radio y al de la CARTV, variando namái nel color del fondu.[1]
Aragón TV entamó les sos emisiones en pruebes en payares de 2005. El 22 d'esi mesmu mes, sustituyó la carta d'axuste por un ciclu d'imáxenes d'Aragón. El 4 de marzu de 2006 realizó la so primer tresmisión de fútbol: Real Zaragoza - FC Barcelona. Al finar l'encuentru, tornó a la fase en pruebes.
Les emisiones oficiales d'Aragón TV entamaron el 21 d'abril de 2006, en vísperes de la celebración del día d'Aragón (23 d'abril), siendo ún de los primeros programes una gala especial de presentación.[2]
En 2009, convirtióse na primer canal de televisión d'España n'emitir parte de la so programación en formatu panorámicu. Tamién foi la primera en cuntar con una canal n'alta definición (HD).[3] [4][5]
Por otru llau, el Gobiernu d'Aragón zarró un alcuerdu cola Generalitat de Cataluña pa que les emisiones d'Aragón TV puedan vese en parte del territoriu catalán. Asina, dende'l 30 d'abril de 2010, ye posible sintonizar Aragón TV (incluida la canal HD y la señal d'Aragón Radio) na ciudá de a.[6] Tamién ta previsto de que les sos señales puedan vese en Navarra y en Castiella-La Mancha si llegase a roblar un alcuerdu colos gobiernos de les respeutives comunidaes autónomes.[7]
Referencies editar
- ↑ Una "A" colorada y mariella, imaxe de la Corporación Aragonesa de Radio y Televisión
- ↑ La Televisión Autonómica d'Aragón inicia la so andadura tres de 20 años d'espera
- ↑ Aragón Televisión va ser la primer televisión española qu'emita una prueba en TDT y Alta Definición
- ↑ La CARTV y la Corporación Catalana de Medios Audiovisuales, pioneros na Alta Definición
- ↑ La CARTV adxudica'l concursu de conteníos audiovisuales a CHIP Audiovisual
- ↑ [1]
- ↑ [2]
