Ard-Galen

Nel universu imaxinariu de J. R. R. Tolkien, Ard-Galen ye una descomunada y verde llanada asitiada al norte de Dorthonion Lothlann, al oeste de les Ered Wethrin al este de los Montes Azules. Ye, nel so estremu occidental nos Montes de la Solombra, u tien les sos fontes el ríu Sirion.

Zona en desputa ente Morgoth y los Noldor de Fingolfin y Maedhros. Nos entamos de la Tierra Media, Morgoth yera dueñu y siñor d'esi territoriu, pero cuando esti foi encadenáu y fechu prisioneru de los valar, la erma y fría llanada reverdeyó y foi zona de caballos xabaces. Munchos de los proxenitores d'esos caballos proveníen de Valinor y sirvieron con eficacia a les forcies de los elfos.

Nel 450 de la Primer Edá del Sol. Morgoth afaró la llanada con fueos del Thangorodrim na Batalla de la Llama Sópeta, polo que esa rexón quedó afarada dafechu y erma polo que se la llamó Anfauglith («povisa afogadizo»).

Haudh-en-Ndengin

Haudh-en-Ndengin («Llomba de los Muertos»), tamién llamada Haudh-en-Nírnaeth («Llomba de les Llárimes»), foi llevantada colos calabres de tolos cayíos na «Batalla de les Llárimes Innumberables», con cuenta apavoriar a cualquier sobreviviente o prisioneru d'Angband. Cuerre que magar que d'ello ellí creció la yerba y dengún orcu atrevióse afurar esi sitiu «onde les espaes soterraes de los eldar y los edain s'espeñicaben en ferruñu».

Enllaces esternos

• Datos: Q3241398