Los Argüeyos
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Los Argüeyos[1] (en leonés Los Argüeḷḷos /los aɾɣwɛtʂos/[2])ye una de les comarques históriques más tradicionales de Lleón, y ye productu de la xunión de los valles au nacen los ríos Toríu, Bernesga y Curueñu.
| Los Argüeyos | |
|---|---|
 | |
| Alministración | |
| País |  España |
| Autonomía |  Castiella y Llión |
| Provincia |  Provincia de Llión |
| Tipu d'entidá | comarca d'España |
| Xeografía | |
| Coordenaes | 42°57′30″N 5°34′28″W / 42.958245°N 5.574328°O |
 | |
| Superficie | 475 km² |
| Demografía | |
| Población | 1762 hab. (2021) |
| Densidá | 3,71 hab/km² |
 | |
El nome de la comarca paez remanecer del nome medieval, que ye cuando se crea, Arbolium y por derivación fonética del llionés central da'l nome d'anguaño. Fúndase na Alta Edá Media pa defender les poblaciones ástures y romanizaes de les invasiones árabe-musulmanes que llegaben a la Península. Foi tan bona la so aición que nel sieglu XV concéde-y el drechu de nomar xueces pa les sos tierres.
Anguaño ta nun claru procesu de despoblación por mor de la cayída xeneral de la economía rexonal que fai de la emigración la única salida d'una zona eminentemente ganadera, como amuesa que fuera'l puertu de Vegará, nel conceyu de Ḷḷugueros, ún de los puntos u nacía la principal cañada, la Real.
Amás, n'actualidá la comarca histórica ta dividida ente dos grandes comarques o mancomunidaes, la de los Cuatro Vaḷḷes y la del Curueñu.
Llingua editar
Llingüísticamente, entá pervive la variedá llionesa que nesta comarca de tres valles pertenez a la estaya central pero cola presencia de la ḷḷ (o che vaqueira), siendo la zona más oriental d'esti rasgu fonéticu. Presenta confusión de c/f y de güe/bue como en tola estaya de la variante llionesa central pero non metafonía de a/e como l'asturianu estandar. Les diferencies ente esta comarca y la de Ḷḷena yeren mínimes, sacante la mentada metafonía y el rasgu llionés de sofitar los infinitivos con una e final.
Referencies editar
- ↑ Noménclator ALLA. Páxina 11.
- ↑ Catalán Menéndez-Pidal, Diego (1957). El Asturiano Occidental: Examen sincrónico y explicación diacrónica de sus fronteras fonológicas (en castellanu). Romance Philology. «30»
Enllaces esternos editar
Datos: Q2477431
Multimedia: Los Argüellos
