Abrir el menú principal

Guillermo Rodríguez Godínez (23  de marzu de 1994Alicante), más conocíu como Arkano, ye un raperu español, reconocíu por ser unu de los meyores raperos d'España na categoría de freestyle y por ser la persona con menor edá que ganó una final nacional de la Batalla de los Gallos en 2009, con solu 15 años.[1]

Arkano
Guillermo Rodríguez Godínez - Arkano.jpg
Vida
Nome completu Guillermo Rodríguez Godínez
Nacimientu

Alicante23  de marzu de 1994

(25 años)
Nacionalidá Bandera d'España España
Llingua materna castellán
Oficiu
Oficiu cantante y raperu
Premios
Alcuñu/os Arkano
Xéneru artísticu Rap
freestyle rap Traducir
Instrumentu musical voz
IMDb nm8783702
www.smootharkano.com
Cambiar los datos en Wikidata

Índiz

BiografíaEditar

Nacíu en Alicante, empezó a dar los sos primeros pasos nel rap nesta ciudá. Con tan solu siete años, afayó'l mundu del hip-hop gracies a la so hermana, escuchando grupos como ZNP, Violadores del Verso, y artistes como Nach y El Chojin. La primera "batalla" (enfrentamientu ente raperos) cola dar a conocer tuvo llugar en xunetu de 2008; dende esi momentu empezó a prodigase n'otres competiciones.[2] Dende 2009 ye conocíu nel panorama nacional español, yá que ganó'l títulu nacional de Red Bull Batalla de Gallos con tan solu quince años d'edá, enfrentándose a "gallos" como Skone, Jonko y Mowlihawk. Pa finales d'añu foi tamién subcampeón de la Hipnotik.

En 2015 revalidó'l títulu de campeón nacional de Batalla de gallos. Nel mesmu añu, llogró'l so mayor afitáu hasta la fecha, coronase como campeón del mundu de les Batalles de Gallos en Chile.[3] Unu de los momentos más polémicos tuvo llugar nel so enfrentamientu contra Dtoke, en cuartos de final. Mientres esti rapeaba, Arkano besólu.[4] En pasando de ronda, na final coronóse como campeón contra'l MC chilenu Tom Crowley. En 2016 cayó en semifinales d'esta competición de manera polémica contra Skone, a lo postrero campeón, y consiguió clasificase como'l tercer meyor freestyler hasta la fecha. Amás rompió la 'maldición' de que cuando un MC ganaba la Final Internacional, si presentábase'l siguiente añu, perdía en primer ronda.[5]

N'ochobre de 2016 batió un récor Guinness en tando improvisando 24 hores 34 minutos 27 segundos, y con solu 3 segundos de descansu pa comer y beber, na Puerta del Sol de Madrid.[6]

En 2017 apostó la final internacional, en siendo convidáu a la mesma dempués de llograr el tercer puestu na final internacional de 2016. Na final internacional, que s'apostó en Méxicu el 3 d'avientu de 2017, volvió llograr el tercer puestu, en perdiendo con Aczino en semifinales y venciendo na final de consolación al dominicanu Yenki One.

Na so faceta como autor, publicó un llibru en 2016 (Asaltu al vaciu: cómo llegué hasta equí), y finalmente en 2017 apaeció'l so primer álbum d'estudiu, Bioluminiscencia. En 2017, acabó la carrera d'inxeniería informática.

Arkano tien una presencia en medios de comunicación relativamente frecuente n'España, convirtiéndose nuna referencia del rap y en concretu del freestyle. Dende ella y tamién como freestyler, encabezó la llucha contra la homofobia y el machismu nel rap español.[7]

Güei en dia participa na FMS (Freestyle Master Series) na que l'añu pasáu la temporada 2017/18 consiguio permanecer na Lliga pa nun baxar na cual baxaron los sos amigos Invert y Mr.Ego quedando novenu y decimo puestu.

LlibrosEditar

  • Asaltu al vaciu: ¿Cómo llegué hasta equí? (2016, Edición Martínez Roca)

DiscografíaEditar

Con JonkoEditar

  • Clase preferente (maqueta, 2010)
  • La voz del barruntu (maqueta, 2013, Tiamat Records)

En solitariuEditar

  • Güei puede ser un gran día (maqueta, 2011)
  • Rareza antropolóxica (maqueta, 2012)
  • Smooth Series (EP, 2014, Tiamat Records)
  • Bioluminiscencia (LP, 2017, Rosevil)

ResultadoEditar

EspañaEditar

  • 2009: Red Bull Batalla de los Gallos Final Rexonal, Alicante: Tercer llugar
  • 2009: Hipnotik MC Battle: Subcampeón
  • 2009: Red Bull Batalla de los Gallos Final Nacional: Campeón.
  • 2014: Red Bull Batalla de los Gallos Rexonal Madrid: Campeón.
  • 2014: Red Bull Batalla de los Gallos Final Nacional Cádiz: Cuartos de Final.
  • 2014: Hipnotik MC Battle: Semifinal
  • 2014: ARENAL SOUND: Campeón.
  • 2015: Red Bull Batalla de los Gallos Rexonal Mallorca: Campeón.
  • 2015: Red Bull Batalla de los Gallos Final Nacional Alicante: Campeón.
  • 2015: "MEID IN ESPEIN" Rap Festival Granada: Campeón.
  • 2015: Cannamed Individual: Campeón.
  • 2017-18: Freestyle Master Series: Séptima posición
  • 2018-19: Freestyle Master Series: ?

InternacionalesEditar

  • 2009 | Red Bull Batalla de los Gallos Final Internacional   España: Cuartos de Final
  • 2015 | Supremacía MC Internacional (  Perú): Semifinales
  • 2015 | Red Bull Batalla de los Gallos Final Internacional   Chile: Campeón
  • 2016 | God Level Final Internacional en   Chile: Cuartos de Final
  • 2016 | Red Bull Batalla de los Gallos Final Internacional   Perú: Tercer llugar
  • 2017 | Red Bull Batalla de los Gallos Final Internacional   Méxicu: Tercer llugar
  • 2018 | Red Bull Batalla de los Gallos Final Internacional (  Arxentina): ?

ReferenciesEditar